Црна хроника
Македонски возила и натаму се оштетуваат во Грција
Продолжува трендот на крадењето на македонски регистарски таблички, како и оштетувањето на возилата на македонските граѓани во Грција, велат од МВР.
Во неделата и понеделникот биле евидентирани пет нови случаи, две оштетувања и три кражби на регистарски таблички, при што во местото Фурка било оштетено возило „шкода фабија“, во сопственост на скопјанецот Р.Т.
Возилото било изгребано, а од левата страна на возилото била испишана на грчки паролата „Македонија е Грчка“.
Во вториот случај, во местото Пефкохори били оштетено возило марка „хонда акорд“, во сопственост на С.Ј.
Во Ханиоти пак биле украдени две регистарски таблички од возило марка „опел“, а кражби на регистрации од македонски државјани биле пријавени и во местата Јерисос и Амуљани.
Од министерството соопштуваат дека се уште немаат добиено никаква информација за повеќето случаи од грчката полиција, чија бројка сега изнесува 30, а во 23 случаи украдени се и двете таблички./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.