По анонимна дојава дека во пештера меѓу селата Тајмиште и Бачишта, во кичевско, над Бачишка Река има човечки черепи, основниот јавен обвинител од Основното јавно обвинителство  Гостивар издаде насоки за обезбедување на оперативна проверка за место положбата на пештерата позната кај локалното население како Череп.

По добивање на оперативните сознанија од страна на Министерството за внатрешни работи, односно Полициската станица Кичево, во текот на петокот основниот јавен обвинител од Основното јавно обвинителство Гостивар во придружба на началниците на Одделенијата за крим техника од Скопје, Охрид и Кичево, како и на полициски службеници од киечвската полциија излезе на увид.

Увидот траел до вечерните часови и поради стемнувањето истиот продолжи во саботата. По Наредба на јавен обвинител за потребите на истрагата на увидот беа присутни и претставници од Институтот за судска медицина, криминалистика и медицинска деонтологија, Крим техника од Охрид и Кичево, експерти од крим техника од Скопје и претставници од специјалната единица за потраги при Министерството за внатрешни работи.

Во пештерата, која има неколку краци, пронајдени и подигнати се неутврден број човечки черепи и коски. Истрагата продолжува во наредните денови, пештерата по наредба на јавен обвинител ќе биде непрекинато обезбедена сé до отповикување на наредбата.

За секое ново сознание што нема да ја попречи истрагата, Основното јавно обвинителство – Гостивар ќе ја информира јавноста./крај/мф/ффс

Извор: Макфакс