Црна хроника
Гостиварка во Сараево се бори за живот откако љубоморно момче ја избодело со нож
Љубовна драма заврши со обид за убиство и самоубиство во сараевската населба Соколовиќ, Колонија. Деветнаесетгодишната Аделиса Мусиќ од Гостивар која живее во Сараево, се бори за живот откако нејзиното момче, дваесет и шестгодишниот Семир Хоџиќ, ја избодел со нож, а потоа се избодел и сам по градите и стомакот.
По пријава од граѓани, полицијата ги пронашла избодените тела во вторникот околу 17.30 часот во автомобил „Форд фиеста“.
Двајцата повредени се превезени во Клиничкиот центар во Сараево. Според лекар од Клиниката за општа и абдоменална хирургија, станува збор за тешки убодни рани.
„Момчето и девојката се донесени во вторникот околу 18.30 часот. Девојката е веднаш оперирана бидејќи е избодена од глава до пети и е сместена на Клиниката за анестезиологија и реанимација. Моментално е на апарати, нејзината состојба е навистина тешка. Се работи за повреди опасни по живот. Избодена е по вратот, рацете, нозете, стомакот и грбот. Момчето е исто така оперирано и сместено на Клиниката за општа и абдоменална хирургија. Тој е во релативно стабилна состојба, си нанел три-четири убодни рани од предната страна на градниот кош и абдоменот“ изјавил лекарот од Клиниката.
Како што раскажал еден од познаниците на Семир, Аделиса раскинала со Семир и нашла ново момче, што најверојатно кај Хоџиќ предизвикало болна љубомора која кулминирала со обид за убиство и самоубиство.
„Сите отсекогаш мислеа сè најдобро за нив бидејќи никогаш ниеден од нив двајца не дал повод за поинакво мислење. Аделиса работеше како фризерка во еден салон Ченгиќ- Вила, а знам дека тој работеше во некоја фирма. Тој е пристојно и фино момче, не сум слушнал дека имале проблеми во врската, но ете се случи, го оставила и готово. Се зборува дека нашла ново момче само да го направи Семир љубоморен. За жал, се случи тоа што се случи“, раскажа познаник на Хоџиќ.
Екипата на „Дневни аваз“ ја посетила Клиниката за анестезија и реанимација каде се наоѓа повредената девојка, но таму немало никој од нејзиното семејство. Таму биле двете сестри и таткото на Семир, кои безуспешно се обидувале да го посетат братот, односно синот, кој бил уапсен во среда околу пладне во Клиниката.
Полицијата не ги пуштала да го посетат братот бидејќи веќе бил уапсен. Според нив, Семир не бил проблематично момче.
„Мојот брат е исклучително добро момче. Има своја куќа, автомобил, работа. Нема причини да прави проблеми бидејќи има сè, ништо не му недостасува. Знам дека неколку месеци беше во врска со Аделиса. Не сум ја запознала никогаш, но верувам дека тоа било нормална врска бидејќи Семир никогаш не ми се жалел на нејзе и на нејзината врска. Дознав дека раскинале, меѓутоа, повторно почнале да се гледаат и сосема ненадејно се случи вакво нешто. Неверојатно“, раскажала постарата сестра на Семир.
На фејсбук профилот Аделиса поставила своја фотографија со некое друго момче, но ја оставила и фотографијата со Семир.
„Не знам што да мислам за сето ова. Прашајте кого сакате за тоа каков е мојот брат. Сите ќе ви кажат дека е пристојно и чесно момче. Како Бог да му го одзел паметот во тој момент“, рекла помалата сестра на Семир./крај/да/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.