Црна хроника
Еден загинат и еден тешко повреден во сообраќајка, најдени биле следниот ден
Млад прилепчанец загинал, а неговиот сопатник е тешко повреден во сообраќајна несреќа што се случила во понеделникот вечерта помеѓу 21 и 22 часот на регионалниот пат Прилеп – Македонски Брод.
Автомобилот „ауди А4“, телото на починатиот и повредениот биле пријавени и најдени дури следниот ден. Сообраќајката била пријавена во полиција во вторникот наутро во 6.15 часот. Било пријавено дека автомобил излетал од коловозот и застанал во канал со вода, а до него имало починато лице. Полицијата отишла на лице место и од разговорот со педесет и едногодишниот сопатник констатирала дека сообраќајката се случила во понеделникот вечерта и дека со автомобилот управувал триесет и четиригодишниот прилепчанец, кој починал на лице место.Сопатникот со тешки телесни повреди бил пренесен во Општа болница ПрилепУвид на местото на настанот извршиле Јавен обвинител и екипа од Полициската станица Прилеп./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна 14-годишно девојче од Скопје, случајот го пријавила мајката
Вчера во 20.45 часот во Полициското одделение Шуто Оризари, 44-годишната С.А. од Скопје пријавила дека од семејниот дом се оддалечила нејзината ќерка, 14-годишната С.А. од Скопје, која и претходно се оддалечувала од домот и била враќана.
Се преземаат мерки за пронаоѓање на лицето.
Црна хроника
Исчезна малолетник од Кочани, можно е 16-годишникот да се наоѓа кај пријателка во Берово
Вчера во 13.30 часот во Полициската станица Кочани, 53-годишната В.Т. од Кочани пријавила дека од домот се оддалечил нејзиниот син, 16-годишниот М.Т. од Кочани, извести МВР.
Според пријавеното, можно е малолетникот да се наоѓа кај негова пријателка во Берово. Се преземаат мерки за пронаоѓање на лицето.
Црна хроника
Пожар во куќа во Кичево, нема повредени лица
Денеска во 00.35 часот во Полициската станица Кичево било пријавено дека на улицата „Јордан Пиперката“ во Кичево настанал пожар на затворен балконски простор на вториот кат од куќата сопственост на 69-годишниот Б.П. од Кичево.
Од екипа на Територијалната противпожарна единица Кичево пожарот бил изгаснат, а повредени лица нема, извести МВР.
Извршен бил увид од увидна екипа од ОВР Кичево.