Спорт
Де Брујне го „спасуваше“ Сити, Њукасл даде два гола во продолжение за реми со Евертон (видео)
Кевин де Брујне имаше совршена аситенција до Серхио Агуеро, за Манчестер сити дури во 73. минута од мечот да го скрши отпорот на Шефилд јунајтед и да забележи 1:0 победа во 24. коло од Премиер лигата. Ова беше неверојатна 15. асистенција за гол на Белгиецот во Премиер лигата оваа сезона, најмногу од топ 5 лигите.
А мечот можеше да биде многу полесен за тимот на Пеп Гвардиола, откако во 36. минута беше досуден пенал за „граѓаните“ по еден пробив на Ријад Марез, но Габриел Жесус се покажа како слаб реализатор, бидејќи голманот Дин Хендерсон му ја „фати жива“ топката.
Стартот од соништата на Карло Анчелоти на клупата на Евертон доживеа зачудувачки крај, откако „карамелите“ водеа со 2:0, пред Њукасл да постигне два гола во 94. и 96. минута за да извлече реми на „Гудисон парк“.
Моисе Кин во 30. минута и Доминик Калверт-Луин во 54. минута најавија нова победа на „обновениот“ Евертон, меѓутоа гостите не мислеа така. Французинот Флориен Лежун со два гола во судското продолжение донесе значаен поен за тимот на Стив Брус.
ПРЕМИЕР ЛИГА, 24.КОЛО
Астон вила – Вотфорд 2:1
Бурнмаут – Брајтон 3:1
Кристал палас – Саутемптон 0:2
Евертон – Њукасл 2:2
Шефилд јунајтед – Манчестер сити 0:1
ЕВЕРТОН – ЊУКАСЛ
БУРНМАУТ – БРАЈТОН
КРИСТАЛ ПАЛАС – САУТЕМПТОН
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.
Спорт
(Видео) Црвена звезда повторно е шампион на Србија
Фото/ Starsport
Фудбалерите на Црвена звезда на четири кола до крајот на сезоната во Супер лигата на Србија, математички ја обезбедија шампионската титула, седма во низа и 35. во клупската историја.
Црвена звезда, во 33.коло на стадионот „Рајко Митиќ“ го совлада ТСЦ со 2:1. На четири кола пред шампионатот има недостижни 14 бода повеќе најголемиот ривал Партизан, кој во ова коло загуби на домашен терен од Војводина со 2:3..
Сите погодоци во на натпреварот во Белград беа постигнати во вториот дел, Олајинка погоди во 55.минута за 1:0, израмни Милосављевиќ пет минути подоцна. Во 75. минута Ндиаје ги постави конечните 2:1 за големо славје на црвено-белите.
Спорт
„Атаман повеќе да работи, помалку да зборува, Слукас нема самодоверба“
Пини Гершон,легенда на Макаби и европската кошарка, кој со Макаби ја освои Евролигата во 2004 и 2005 година, го критикуваше Панатинаикос и пред се тренерот Ергин Атаман.
Макаби води со 2-1 во четвртфиналната серија од плејофот во Евролигата, а четвртиот меч се игра вечерва во Белград.
„Атаман зборува повеќе отколку што си ја врши својата работа како тренер. Разбирам дека е под голем притисок, но мислам дека за следната сезона е поблиску до Турција отколку до Грција. Не сакам да се мешам во политика бидејќи тоа се глупости“, вели 72-годишниот Гершон и додава:
„Тој и Димитрис Јанакопулос (сопственикот на Панатинаикос) ја измислија приказната за да ги стават судиите под притисок, но однесувањето на Панатинаикос во последните години не прави Евролигата да биде на нивна страна.“
На Гершон не му се допадна говорот на телото на Атаман ниту за време на третиот натпревар.
„Некои играчи на Панатинаикос не го сакаат за тренер. Во третиот натпревар седна на клупата, а тоа испраќа лоша порака до играчите. Тренерот секогаш треба да биде активен, за играчите да почувствуваат дека е присутен“.
Вејд Болдвин, кој не играше во третиот натпревар е неизвесен и за натпреварот број 4.
„Макаби е подобар тим со Болдвин, но покажаа дека се супериорни и без него. Ако се врати по четврти натпревар, тоа може да биде големо психолошко засилување за нив“.
Исто така, Гершон смета дека на Костас Слукас му недостасува самодоверба.
„Кошаркарите на Панатинаикос ја изгубија самодовербата, видов играч од 3,5 милиони евра без самодоверба. Слукас е искусен, но ја загуби самодовербата“, заклучува Гершон.