Спорт
Фирмино е „џокерот“ за Ливерпул, „црвените“ продолжија да „мелат“! (видео)
Вулверхемптон вондерерс за малку ќе станеа само вториот премиерлигашки тим кој успеа да остане непоразен против Ливерпул, но тука е секогаш доверливиот Роберто Фирмино, кој во 84. минута им го донесе на „црвените“ 22-риот триумф во 23 натпревари во Премиер лигата оваа сезона. Фирмино оваа сезона постигнува осум голови во ПЛ и тоа сите на гости!
Тимот на Јирген Клоп досега имаше загубено поени само на „Олд Трафорд“ против Манчестер јунајтед (1:1), но јасно беше дека гостувањето на „Молињу“ секогаш е опасно. Но, само што почна мечот, уште во осмата минута, Џордан Хендерсон ги донесе гостите во водство најавувајќи продолжување на лудата серија.
Загриженост на лицето на Клоп имаше во 32. минута, кога сенегалскиот голгетер на Ливерпул, Садио Мане побара да биде заменет со очигледна повреда на бутниот мускул, која доаѓа во незгодно време. Тој беше заменет од новото засилување Такуми Минамино, кој дебитираше во Премиер лигата. Само за три дена, Ливерпул играат со Шрузбери во ФА купот, на 29 јануари гостуваат кај Вест хем, а на 1 февруари играат дома со Саутемптон.
„Волците“ успеаја да израмнат на стартот на второто полувреме, кога Раул Хименез и Адама Траоре тргнаа во брз контра-напад и Мексиканецот успеа со глава да го совлада Алисон. Во следните десетина минути, Вулверхемптон беше подобриот противник и пропушти две убави шанси, пред во 84. минута по асистенција на Хендерсон, Роберто Фирмино да донесе нова доцна победа за неговиот тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ваулс: Сакаме Њуи да се врати во Вилијамс
Првиот човек на тимот на Вилијамс во Формула 1 шампионатот, Џејмс Ваулс, во Мајами потврди дека тимот размислува да го ангажиран најдобриот дизајнер во Формула 1, Адријан Њуи.
Њуи, официјално ќе се раздели со Ред Бул на почетокот на следната сезона, во март, а пред тоа нема да може да се приклучи на новиот тим.
Медиумите шпекулираат дека тој би можел повторно да се обедни со Луис Хамилтон во Ферари, но Ваулс потврди дека се зборувало за враќање на Австралиецот во Вилијамс.
Таму Њуи го помина поголемиот дел од последната деценија на 20 век, каде што беше еден од инженерите, во тимот кој доминираше на патеките.
„Го познавам Адријан долго време, разговаравме во петокот. Сигурен сум дека ќе го направиме тоа повторно наскоро. Тој е икона во Формула 1, без сомнение. Освои титули во сите тимови“, изјави Ваулс и додаде:
„Тоа не е случајно, тоа го одразува неговиот придонес и влијанието што го има врз овој спорт. Би било штета да не разговараме со Њуи за можна соработка. Не може да биде поедноставно од тоа“.
Њуи се приклучи на Вилијамс во 1991 година и е еден од креаторите на неверојатниот автомобил „FW14B“, во кој Најџел Менсел го освои светскиот шампионат во 1992 година. Вилијамс ја освои титулата уште неколку пати со Њуи на чело, пред инженерот да се пресели во Мекларен.
Some impressive stats from Adrian Newey's time in F1 🏆🔢 pic.twitter.com/mnW0aOLlTt
— Sky Sports F1 (@SkySportsF1) May 2, 2024
Спорт
Вест Хем сериозно преговара со Лопетеги
Хулен Лопетеги го поврзуваа со Милан, но како што сега стојат работите тој ќе го преземе Вест Хем.
Минатата недела италијанските медиуми пишуваа дека Милан постигнал договор со Шпанецот. Оваа одлука на клубот предизвика незадоволство кај навивачите кои покренаа капмања против Лопетеги.
Островските медиуми пренесуваат дека раководството на „чеканите“ е блиску до договор со шпанскиот стручњак кој треба да го наследи Дејвис Мојс.
Инаку, договорот на шкотскиот стручњак истекува на крајот од сезоната и клубот нема да му понуди нов.
И покрај пласманот во четвртфиналето на Лига Европа и моментално деветтото место во Премиер лигата, голем дел од навивачите на Вест Хем не се задоволни од стилот на игра на тимот под команда на Мојс.
Спорт
Чави инстирал капитенот да остане – Серхи Роберто го продолжи договорот
Капитенот на Барселона, Серхи Роберто ќе потпише нов договор со каталонскиот клуб.
Чави Ернандез им порачал на Деко и Џоан Лапорта дека Роберто има огромно влијание врз младите играчи, дека е вистински лидер и дека како играч во ротацијата се уште е од големо значење.
Роберто е дете на клубот, а многумина со години го гледаат надвор од Барселона, но Чави го штити и го сака во тимот. Навивачите и јавноста се поделени, мислат дека е време за промена на генерациите, иако Роберто има намалена улога на теренот како некогаш Џерар Пике и Жорди Алба.
Сепак, Роберто во неколку наврати прифаќаше намалување на платата, практично сега заработува пет пати помалку од пред три години, што е уште една причина за продолжување на договорот.
Роберто е свесен дека нема да игра многу, но не се гледа себеси надвор од Барселона, каде што ја помина целата своја кариера.