„Несреќниот“ Тимо Вернер постигна два гола во првото полувреме, но двата му беа поништени од ВАР (едниот поради офсајд, другиот поради играње со рака), но Челси стигна до супер-важна 2:1 победа над Лестер за да се искачи на третото место во Премиер лигата и да ги намали шансите на Ливерпул да стигнат до Лигата на шампионите. Трите поени на Челси исто така значат дека Манчестер јунајтед го обезбедуваат второто место на табелата.

Мечот дојде по 1:0 победата на Лестер над Челси во финалето на ФА купот, но тимот на Томас Тухел успеа да се одмазди и да направи огромен чекор кон топ 4 пласман пред финалето на Лигата на шампионите, каде што играат со Манчестер сити.

По двата поништени голови на Вернер, Челси, конечно, дојде во водство во 47. минута преку Антонио Ридигер, пред во 66. минута токму Вернер да изнуди пенал, кој Жоржињо сигурно го изведе за да зголемат на 2:0. Меѓутоа, тензијата се крена во 77. минута, кога Келечи Ихеаначо намали на 2:1, за интересен финиш на мечот.

Со овој резултат, Челси имаат 67 поени, Лестер се четврти со 66 поени, додека Ливерпул имаат 63, но и два натпревари до крајот на сезоната за разлика од Челси и Лестер кои имаат уште еден меч. Челси во последното коло гостуваат кај Астон вила, Лестер играат дома со Тотенхем, додека Ливерпул покрај утрешниот меч со Барнли, во последното коло играат дома со Кристал палас. Бидејќи и гол-разликата може да игра улога, Челси имаат 57:33 (+14), Лестер имаат 65:46 (+9), а Ливерпул 63:42 (+19), што значи дека ако Ливерпул победат во последните два меча, ќе ги поминат „лисиците“, кои цела сезона беа во топ 4.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-1-29415”));

Славните „бикови“, тимот на Торино и следната година ќе бидат дел од италијанската Серија А, откако во презакажаниот меч против Лацио успеаја на „Олимпико“ да извлечат 0:0 реми и така да осигураат опстанок пред последното коло, во исто време праќајќи го Беневенто на Пипо Инзаги по само една сезона назад во втората лига, заедно со Парма и Кротоне.

Ова беше меч од 25. коло кој требаше да се одигра на 2 март, но беше откажан откако на тимот на Торино им беше наредено да одат во изолација поради пандемијата на КОВИД-19. Лацио бараа службена 3:0 победа, но Торино успеа да докаже дека само го следеле протоколот на лигата.

Лацио имаа еден поништен гол на Чиро Имобиле, а во 83. минута капитенот имаше шанса да ја осигура победата од белата точка, но ја погоди само стативата. Ова е неверојатен четврти промашен пенал на Имобиле оваа сезона.

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-33-32523”));



Мајорка, клубот на македонскиот репрезентативец Александар Трајковски, експресно се врати во Ла лига, откако го потврдија второто место на табелата во втората лига зад уште еден повратник, Еспањол, откако третопласираната Алмерија загуби со 3:2 од Картахена.

Поразот ги остава Алмерија на 67 поени на два меча пред крајот, додека Мајорка, која утре гостува кај Тенерифе има 75 поени и три преостанати мечеви. Мајорка заостанува само три поени зад Еспањол и до крајот на сезоната можат да ја освојат и второлигашката титула.

За третото место кое води во елитата најверојатно ќе се борат во бараж Алмерија, Леганес, Џирона, Спортинг Хихон и Рајо Валјекано.

Som de Primera! https://t.co/P1xxUp0h3R

— Real Mallorca (@RCD_Mallorca) May 18, 2021

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-37-32502”));