Европа
Капетанот на 4U9525 до последната секунда со секира се обидувал да влезе во кабината
Капетанот на авионот на германската авиокомпанија „Germanwings“ кој во вторникот се урна во француските Алпи до последните мигови од својот живот се обидувал да се пробие во блокираната пилотска кабина, пишува магазинот Bild повикувајќи се извор запознаен со текот на истрагата.
Според иследниците, капетанот на летот 4U9525, излегол од пилотската кабина на неколку минути во тоалет. Кога се вратил не можел да ја отвори вратата од кокпитот, бидејќи таа била блокирана.
Капетанот упорно го молел својот колега, вториот пилот Андреас Лубитц да му ја отвори вратата од кабината. „Додека копилотот маневрирал со авионот кон земјата од непознати причини, капетанот на екипажот земал секира за да ја искрши вратата и да ја спречи трагедијата“, се вели во извештајот на Bild кој се повикува на извор во истражните органи запознаен со истрагата. Според раководството на нискотарифната компанија „Germanwings“, авионот понирал цели осум минути пред да се удри во земјата.
Авионот „Airbus A320“ на компанијата ќерка на германска „Lufthansa“, на летот од Барселона за Диселдорф, во вторникот претпладнето се урна во тешкопристапните области на француските Алпи, во југоисточна Франција. Во несреќата загинаа сите 150 патници и членови на екипажот.
Обвинител на Марсеј, Бри Робен, претходно во четвртокот изјави дека дејствијата што ги преземал копилотот укажуваат дека тој имал намера да го урне авионот. Според Робен, во првите 20 минути од летот двајцата пилоти воделе нормален разговор. Кога капетанот на летот излегол од кабината, веројатно во тоалет, копилотот го блокирал вратата и самоволно почнал да ја намалува височината на авионот. Капетанот безуспешно се обидувал да се врати во кокпитот, додаде обвинителот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Германската полиција уби навивач кој со секира влегол во фан-зоната на Европско првенство (ВИДЕО)
Германската полиција во Хамбург имаше полни раце работа. Во градот каде хрватската фудбалска репрезентација ќе го одигра следниот натпревар на ЕП, оној против Албанија, полицијата застрела и уби еден маж. Германските полицајци биле принудени на тоа, бидејќи мажот сакал со секира да нападне случајни минувачи во фан-зоната за време на Првенството.
Напаѓачот во Хамбург прво ги нападнал навивачите со секира, а потоа ги нападнал и обезбедувањето.
Полицијата прво употребила солзавец, а потоа пукала. Еден од истрелите на полицаецот бил предупредувачки, а вториот го погодил.
Наспроти првичните вести, нападот очигледно нема никаква врска со Европското фудбалско првенство.
„Местото на нападот е далеку од просторот каде се следат првенствените натпревари. Нема индиции дека напаѓачот има врски со некоја од навивачките групи“, соопштија од полицијата.
Денеска во Хамбург се игра натпреварот помеѓу Полска и Холандија и градот е преполн со навивачи на двата табора.
Европа
Четворица загинати во страшна сообраќајка во Грција, пожарникарите го сечеа возилото за да ги извадат телата (ВИДЕО)
Во сударот меѓу автобус и автомобил, што се случи денес наутро пред Токсотес Ксанти, на стариот национален пат Ксанти-Кавала во Грција, четири лица загинаа, а три се повредени.
Според првите информации, во судирот што се случил нешто по 08:00 часот, едно возило изгубило контрола и удрило во автобус што минувал.
Патниците загинале на лице место, а пожарникарите го сечеле возилото за да дојдат до телата на настраданите во автомобилот.
Европа
Без пратеници Роми остана Европскиот парламент
Со приближно 10 до 12 милиони жители во Европа, од кои околу шест милиони живеат во ЕУ, Ромите се едно од најбројните европски етнички малцинства. Сепак, во новиот состав на Европскиот парламент, избран минатата недела, првпат по 2004 година нема ниту еден европратеник припадник на ромската заедница.
Еден од најгласните застапници за правата на Ромите во Европскиот парламент досега беше Интергрупата за антирасизам и различности (АРДИ), чии цели се промовирање на расната еднаквост и информирање за проблемите со кои се соочуваат малцинствата. Без претставници на Ромите во ова тело, постои стравување од потенцијално поместување на приоритетите, како и намалување на сфаќањето на вистинските предизвици со кои се соочува ромската заедница.
Вклучувањето на претставниците на Ромите во процесот на одлучување би овозможил посеопфатно разбирање за потребите на заедницата, која има тешка историја низ целиот европски континент. Припадниците на ромската заедница се соочуваат со дискриминација низ цела Европа – 68 отсто од Ромите предвремено го напуштаат образовниот систем, а 80 проценти од нив живеат под прагот на сиромаштија.
Ваквите предизвици се вкоренети во стотиците години систематски предрасуди и социјална исклученост, кои продолжуваат да се одржуваат дури и до денес.
Една од земјите со процентуално најголема застапеност на Ромите во ЕУ е Романија. Според официјалните статистичките податоци 2,99 проценти од жителите на Романија се Роми, но според ромските организации реалната стапка на припадници на ромската заедница во земјата надминува осум отсто од вкупното население. Но, меѓу кандидатите за европратеници од Романија немаше ниту еден Ром, што е уште еден доказ за маргинализација на ромската заедница во земјата.
За споредба, унгарското малцинство кое сочинува 5,25 отсто од населението, освои два од вкупно 33-цата романски европратеници.
Отсуството на ромски кандидати за европратеници може да се припише на предизвиците со кои се соочуваат Ромите во политичкото мобилизирање, како поради систематското угнетување кое го одржува циклусот на сиромаштија во заедницата, така и поради бројните стереотипи кои ги спречуваат гласачите да се одлучат за ромските партии.