Европа
Медиуми: Во домот на копилотот на 4U9525 најдени ‘решавачки докази’
При претресот на станот на копилотот на летот 4U9525 од Барселона за Диселдорф кој се урна во вторникот во француските Алпи, пронајдени се „решавачки докази“ за причината пилотот Андреа Лубитц намерно да го урне авионот, објави во петокот телевизијата N24, повикувајќи се на извор во обвинителството на Диселдорф, a истовремено истрагата во Франција соопшти дека транспондерот гго потврдил намерното понирање.
Во меѓувреме, обвинителството официјално одби да потврди дали е пронајдено проштално писмо на пилотот, кој, според досегашните наоди на истрагата, свесно ја предизвика авионската несреќа во којашто загинаа сите 150 патници и членови на екипажот.
Претходно обвинителството и полицијата извршија претрес на станот на пилотот во Диселдорф, како и во куќата на неговите родители во градот Монтбаур. Правосудните органи заплениле некои лични работи, како и компјутери кои му припаѓале на 28-годишниот Лубитц.
Копилотот на авионот „Airbus A320“ на германската компанија „Germanwings“, Андреас Лубитц, наводно, страдал од тешка форма на депресија пред околу шест години, а поради тоа редовно бил подвргнуван на лекарски прегледи.
И другите германски медиуми во петокот пишуваат дека копилотот Андреас Лубитц боледувал од „психолошка болест“, односно од тешка депресија
„При пребарувањето на станот на копилотот пронајдовме траги. Станува збор за различни предмети и хартии. Ќе видиме дали трагите ќе доведат до доказ. Сетот тоа ќе биде проучено“, изјавил за Der Spiegel, портпаролот на полицијата во Диселдорф, Марсел Фјебиг. Според него, не е пронајдено проштално писмо.
Извршниот директор не германската воздухопловна компанија „Lufthansa“, која е фирма мајка на „Germanwings“, Карстен Пор, изјави дека Лубитц на неколку месеца ја прекинал обуката за пилот во текот на 2008 година. Пријателите на пилотот за германските медиуми изјавуваат дека Лубитц ја прекинал на извесно време обуката во 2009 година поради „синдром на емоционално растројство или депресија“. Потоа Лубитц ја продолжил обуката во центарот за пилоти на „Lufthansa“, а во 2013 година стекнал сертификат за летање на авиони од типот „Airbus A320“.
Официјалните документи, во кои имал увид германски Bild, потврдуваат дека копилотот пател од тешка депресија пред шест години и оти оттогаш имал редовни медицински контроли. Документите од германската управа за надзор над воздушниот сообраќај (LBA) ја потврдуваат „тешката епизода на депресија“ на Лубитц од 2009 година/
Весникот наведува дека од тогаш момчето било под „посебна и редовна медицинска контрола“, а информациите на LBA и’ биле дадени од „Lufthansa“.
Како што се очекува, во петокот во врска со историјатот на болеста на пилотот ќе се одржат консултации меѓу психолози со секторот на цивилното воздухопловство, а потоа материјалите ќе бидат предадени на германските правосудни органи, кои ќе треба да ги споделат информациите со истрагата што се води во Франција.
Во меѓувреме во петокот беше потврдено дека транспондерот од авионот покажува дека некој рачно го наместил пилотот на височина пониска од 30 метри, што веројатно ќе доведе до воведување на ново правило за најмалку две лица постојано присутни во кокпитот во авионите на компаниите.
Организацијата FlightRadar24 која го следи воздушниот сообраќај објави дека во 9,30 часот (во вторникот, 24-ти март) „може да се види дека автопилотот рачно е променет од 11.500 метри на височина од 30 метри“ „Девет секунди подоцна авионот започнал да се спушта, веројатно со наместен автопилот за ткн отворено спуштање“, се вели во соопштението. Податоците на FlightRadara 24 потекнуваат од автоматскиот одговор на транспордерот.
Летот Let 4U9525 полетал од Барселона околу 10 часот во вторникот, а исчезнал од радарите околу еден час подоцна, пред да се забие во планината 165 километри североисточно до Марсеј. Според француските истражни органи, податоците од транспондерот потврдиле дека копилотот Андреас Лубитц рачно ја започнал процедурата за спуштање кога останал сам во пилотската кабина, и не одговарал кога капетанот на летот и другите членови на екипажот тропале по заклучената врата. а
Авионот „Airbus A320“ на летото од Барселона за Диселдорф се урна претпладнето на 24-ти март во француските Алпи во југоисточниот дел од земјата. Во несреќата загинаа сите 150 патници и членови на екипажот, а според досегашните сознанија на истрагата за тоа е виновен копилотот Лубитц кој го искористил отсуството на капетанот на летот од пилотската кабина и, судејќи според сé, тоа го искористил за да се затвори во кокпитот и намерно да го урне леталото.
Во петокот, четврти ден по ред, продолжува истрагата во близина на селото Сеине-ле-Алпс, десетина километри оддалечено од местото на падот. Истрагата, во прв ред, е насочена на пронаоѓањето на втората „црна кутија“ и што побрзо да ги идентификува телата кои се евакуирани од планината. На местото се упатени четири хеликоптери, наместо досегашните пет, со 37 спасувачи и 11 форензичари./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.