Европа
Франција: Саркози победник на локалните избори, крајната десница сé посилна
– Марин Лепен е најголемиот добитник на француските регионални избори
Излезните анкети покажуваат дека на вториот круг од француските локални избори во неделата победија конзервативците на поранешниот шеф на државата Николас Саркози, додека Националниот фронт, партија од крајната десница, ја зајакна својата позиција на тамошната политичка сцена.
Излезните анкети покажуваат дека на вториот круг од француските локални избори во неделата победија конзервативците на поранешниот шеф на државата Николас Саркози, додека Националниот фронт, партија од крајната десница, ја зајакна својата позиција на тамошната политичка сцена.
Партијата од десниот центар Унија за народно движење (UMP) на Николас Саркози со сојузниците ќе води меѓу 66 и 70 департмани во Франција, а пред овие избори владееше во 41. Владејачките социјалисти, и нивните коалициски партнери, на актуелниот француски претседател Франсоа Оланд, коишто досега имаа 61 департман, сега се сведени на 27 до 31, според телевизиските извештаи. „Французите масовно ја отфрлија политиката на Франсоа Оланд и на неговата влада“, коментираше по изборите Саркози.
Крајната десница Национален фронт (FN) на Марин Лепен веројатно ќе добет повеќе од два департмана, но со повеќето десетици места во генералните совети ќе стекне база за локално избраните функционери коишто ќе бидат подобро позиционирани за националните избори. Националниот фронт кој во првиот круг од изборите минатата недела беше втората партија и освои четвртина од сите гласови, сега ќе доживее голем исчекор во вкупниот број локални советници, бидејќи досега имаше само двајца.
Според челничката на партијата, којашто е изразено евроскептична и антиимгрантска, станува збор за историски резултат. „Националниот фронт станува моќна политичка сила во многу региони. Ова исклучително изборно ниво ќе стане фундамент за големите утрешни победи“, рече Лепен.
Премиерот на француската социјалистичка влада Мануел Валс, чијашто многу непопуларна влада се труди да ги искористи слабите знаци за заздравување на втората по големина европска економија, даде изјава само неколку минути по затворањето на избирачките места. „Крајната десница е силна и пресилна, ваквиот резултат е предизвик за секој демократ. Тоа е знак на пореметување на нашиот политички пејзаж и сите од тоа мораме да научиме нешто“, рече Валс./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Полските земјоделци повеќе нема да ја блокираат границата со Украина
Полските фармери го откажаа протестот на последниот блокиран граничен премин со Украина, објавија Киев и Варшава, ставајќи крај на повеќемесечната криза која ги наруши билатералните односи меѓу двете земји.
Украинскиот министер за земјоделство ја поздрави „конструктивната работа“ на Полска за укинување на блокадата, наведувајќи во соопштението дека преговорите со Варшава и индустриските здруженија не биле лесни, но „главната работа е што резултатот е постигнат“.
„За среќа, сите правци на границата со Полска се деблокирани“, изјави портпаролот на украинската гранична полиција Андриј Демченко, додавајќи дека полските фармери го ослободиле пристапот до преминот Рава-Руска.
Камиони утринава почнаа да ја минуваат границата во двата правци, рече тој.
Портпаролот на полската гранична полиција Анджеј Јузвијак изјави за Ројтерс дека Украина може да се премине „непречено“ на сите премини.
Полските земјоделци и камионџии ги блокираа граничните премини со Украина од крајот на есента минатата година во знак на протест против нелојалната конкуренција.
Како главна причина тие ја наведоа пасивноста на владата кон губење на работни места поради странските конкуренти од почетокот на војната во Украина, бидејќи камионџиите од Украина беа ослободени од обврската да имаат дозвола за преминување на полската граница.
Европа
Шпанскиот премиер останува на функцијата, нема да поднесе оставка
Шпанскиот премиер Педро Санчез денеска одлучи да остане на функцијата што ја извршува од летото 2018 година, иако претходно овој месец судија во Мадрид отвори истрага против неговата сопруга за можна корупција.
„Решив да продолжам, со уште посилна сила на чело на владата“, рече Санчез во говорот од владината зграда.
Санчез, лидер на шпанската социјалистичка работничка партија (ПСОЕ), во средата ги суспендираше сите должности за да „размисли“ пет дена дали вреди да остане на функцијата поради „лажни обвинувања“ и „напади врз неговата сопруга“.
Европа
Путин ги откажа парадите на 9 мај: „Стравот од украински напад е посилен од традицијата“
Рускиот претседател Владимир Путин беше принуден да ја откаже годишната руска триумфална парада на Денот на победата на 9 мај поради страв од напади со беспилотни летала со украински камикази, пишува „Сан“, додека руските медиуми јавуваат дека маршот на Бесмртниот полк и другите настани планирани за тој ден се намалени на многу поскромно ниво „од безбедносни причини“.
Путин наводно ги откажал повеќето од прославите на 9 мај – најсветиот ден во рускиот календар – затоа што не можел да ја гарантира безбедноста на своите граѓани.
Патриотски воени паради се одржуваат низ Русија како начин на славење на победата над нацистичка Германија во Втората светска војна.
Вообичаено, овие настани се користат за Путин да ја покаже моќта на руската воена машина и да генерира национална гордост – водејќи огромна парада на Црвениот плоштад во Москва.
Овој дел ќе се одржи под зголемено обезбедување – под надзор на Путин – но многу од воените паради во регионот се откажани заедно со придружниот огномет.
Областите на Белгород, Брјанск, Псков, Рјазан, Курск и Саратов ги откажаа своите настани, иако не се сите блиску до Украина.
Денот на победата беше откажан и во окупираните региони на Украина, вклучувајќи ги Запорожје и Севастопол на Крим, исто така поради „безбедносни причини“.
Пред руската инвазија на Украина, денот вклучуваше тенкови, нуклеарни проектили и друго масивно оружје што минуваше низ главниот град додека авионите летаа на небото.
Низ Русија, стотици маршеви на Бесмртниот полк – каде луѓето носат фотографии од нивните воени ветерани – исто така се откажани поради безбедносни причини.
Еден од стравувањата е дека овие настани би можеле да бидат преземени од антивоени демонстранти.
Огнометот беше откажан во некои други региони, како што е Сиктивкар, а откажани се концерти во Воронеж.
Во Ростов и Воронеж некои паради се откажани, додека други може да се одржат без публика.
Се очекуваат повеќе откажувања.
Минатата година, Денот на победата беше откажан ширум Русија со намален настан во Москва, каде речиси и да немаше изложена тешка воена опрема.
По две години војна во Украина, кружеа гласини дека парадите се откажани поради недостиг на тенкови за учество на парадите.
Дури и тогаш, локалните гувернери наведоа „безбедносни причини“.