Црна хроника
„Бреза“ повеќе не е заштитен сведок во случајот „убиство на Лазо Милошевски“
Во судскиот процес за платено убиство на Лазо Милошевски од село Ореше, нема повеќе „заштитен “ сведок. Ова е одлучено на денешното судско рочиште во Основниот суд – Скопје 1, јави порталот Лисица.
Барањето сведокот кој досега беше именуван со псевдонимот „Бреза“ да се појави лично во судница во Велес било прифатено и од судијата кој го води случајот.
Својата прва јавна изјава поврзана со убиството на Милошевски, сега веќе поранешниот заштитен сведок ќе ја даде на 5ти февруари за кога судијата Илија Танев има закажано рочиште.
Според обвинението за убиството на старецот од велешкото село Ореше, осомничени се браќата Ордан и Љубомир Ѓорѓиевски. Тие од нарачателот Ѓоре Петревски за извршената работа добиле 20 илјади долари.
Велешкиот суд двапати ги прогласува за виновни браќата Ѓорѓиевски, а Апелација ја поништуваше одлуката. /крај/лсц/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.