Црна хроника
Спречен обид за шверц на луксузен сребрен накит на скопскиот аеродром

Царинските службеници спречија шверц на луксузен сребрен накит на скопскиот аеродром „Александар Велики“.
Шверцерите сакале да скријат 1.600 парчиња рачно изработен луксузен сребрен накит, чијашто вредност на македонскиот пазар би можела да достигне и до 65 илјади евра.
Во понеделникот утрото околу 8.30 часот, на аеродромот од Истанбул со компанијата „Turkish airlines“, пристигнале четворица млади луѓе.
По пристигнувањето, царинските службеници забележале дека сите четворица не го испуштаат од вид нивниот колега кој се движел меѓу патниците и чекаат неприродно долго да си го подигнат багажот.
Во момент кога царинскиот службеник разговарал со друг патник, сите четворица брзо се упатиле кон излезот – зелен канал, каде што поминуваат патници кои немаат ништо за пријавување.
Царинскиот службеник ги застанал четворицата, по што е пристапено кон детална контрола со рентген скенер. Изјавиле дека накитот требало да го предадат на лице од Гостивар, кој потоа го продава.
Набавната вредност на задржаниот накит изнесува околу 32 илјади евра, но на домашниот пазар вредноста би достигнала двојно повеќе.
Против прекршителите е поведена прекршочна постапка, а накитот е привремено одземен./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тројца насилници со боксови нападнале полицајци во Скопје

Тројца насилници со боксови нападнале полицајци во Скопје кои извршувале службени работи по дојава дека има вооружени лица со автоматски пушки.
Според информациите од Обвинителството, тројцата напаѓачи, заедно со уште едно дете против кое ќе се води соодветна постапка согласно Законот за правда за децата, на 5 август во вечерните часови, на улицата “Босна и Херцеговина” нападнале тројца полициски службеници.
Полицајците постапувале по дојава дека на наведената локација има вооружени лица со автоматски пушки. Се обиделе да ги легитимираат осомничените, но тие одбиле и физички ги нападнале полицајците, удирајќи ги со боксови. Полициските службеници успеале да ги совладаат и ги привеле.
Јавниот обвинител, ценејќи ги сите околности, предложи на осомничените да им бидат определени мерки на претпазливост – забрана за напуштање на живеалиштето, односно престојувалиштето, обврска да се јавуваат повремено на определено службено лице или кај надлежен државен орган и привремено одземање на патна или друга исправа за преминување на државната граница, односно забрана за нејзино издавање.
Црна хроника
Тешко повреден велосипедист во Струшко

Вчера во 10:40 часот, на регионалниот пат Р2243 во селото Биџево, струшко, се случила сообраќајна несреќа помеѓу мотоцикл „јамаха“ со германски национални ознаки, управуван од И.М.(38) од с.Мислодежда, струшко и велосипед управуван од Р.Т.(79) од с.Биџево, струшко.
Во несреќата со тешки телесни повреди се здобил велосипедистот, констатирани во Специјалната болница „Св.Еразмо“ Охрид.
Извршен бил увид од увидна екипа на ОВР Струга.
Црна хроника
Неовластено навлегла во електронскиот систем на банката и со туѓа картичка од банкомат подигнала пари

СВР Штип поднесе кривична пријава против Г.Т.(41) од Македонска Каменица.
Таа се сомничи за сторено продолжено кривично дело „оштетување и неовластено навлегување во компјутерски систем“.
Во периодот од 09.06.2025 до 30.06.2025, пријавената во шест наврати неовластено навлегла во електронски систем на банка и со картичка на лице од село во општина Зрновци, од банкомат во истото село подигнала вкупно 52.000 денари, кои противправно ги присвоила.