Црна хроника
„Бреза“: Ме присилија лажно да сведочам
„Бреза“ алијас Златко Арсовски направи пресврт во случајот платено убиство на Лазо Милошевски, јави порталот Лисица.
Кој ги мести осомничените но и кој е убиецот на старецот сега дури уште е понеизвесно, вакви се коментарите од лицата добро упатени во случајот платено убиство после сведочењето на до неодамна заштитниот сведок Бреза.
Објаснувајќи зошто ја променува својата изјава тој во преполната судница на Основниот суд во Велес рече.
„Ме присилуваа, малтретираа и закануваа, морав лажно да сведочам. Целата изјава која ја имам давано под псевдонимот Бреза ми ја напишаа, додека бев во притвор, Вељо доаѓаше и ми се закануваше. Ги малтретираа и моите дома се исплашив и прифатив. Ми ветуваа пари, дека ќе живеам во друга држава“, рече Арсовски.
Осомничените за случајот „платено убиство“ не се сторители на делото, адвокатот Давидовиќ вели дека после ова сведочење многу работи треба да се преиспитаат во МВР.
„После оваа изјава на екс заштитениот сведок длабоко треба да се преиспита судството заедно со јавниот обвинител на РМ , бившиот, кој што прв го дозволи овој заштитен сведок, понатаму одделението за заштита на сведоци и да се испита работата на судечкиот судија“, рече Звонко Давидовиќ, бранител на второ и трето обвинетите.
Судскиот процес за платено убиство во велешкиот суд почна во 2008 година. Судот двапати пресудуваше по 12 години затвор за браќата Љубчо и Ордан Ѓоргиевски, Скопска апелација го враќаше предметот на повторно судење. Тие пак, 30 месеци беа во притвор, за цело време тврдеа дека некој ги мести.
„Имаше некои работи од трговија со оружје, перење на пари, триста ти чуда и ми ја нафрлија оваа работа на мене, значи има двајца од Велес и четворица од Скопје, сега денеска нема да ги кажам кои се, како се, ама тие шестмина ќе ви ги кажам во петок кои се“, рече Љубчо Ѓоргиевски, второобвинет.
Многу од работите ќе бидат појасни по 15 февруари, кога на барање на одбраната и обвинителството соочување ќе има помеѓу Вељо и сега веќе обичниот сведок Златко.
До тогаш ќе се знае и дали притворот во Шутка на прво обвинетиот Ѓоре Петревски ќе му биде заменет со домашен притвор. /крај/лсц/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж и женa нападнати со метален предмет во Ранковце
Синоќа во 22.50 часот во Полициско одделение Ранковце Д.И. (34) пријавил дека во село Ранковце со метален предмет бил нападнат од Т.А. , а исто така Б.Т. пријавила дека била физички нападната од Д.И.
Полицијата соопшти дека се преземаат мерки за расчистување на случајот.
Топ
Маж од Радовиш со месеци сексуално вознемирувал малолетно девојче
Радовишанец со месеци силувал малолетничка
Вчера, во Полициската станица Радовиш било пријавено дека 45-годишен жител на Радовиш во периодот од јануари до април 2024 година во повеќе наврати извршил обљуба врз малолетничка од радовишко село.
За настанот бил запознаен јавен обвинител од Основното јавно обвинителство Струмица по чии насоки се преземаат мерки за целосно расчистување на случајот.
Црна хроника
Тешко повредено 22-годишно момче, падналo од мопед на коловоз
Вчера, вo 14.30 часот, во СВР Скопје било пријавено дека на крстосницата од улицата Методија Андонов-Ченто со сервисната улица што ги поврзува клучката Ченто и булеварот Александар Македонски, М. Н. (22) од с. Арачиново, Скопско, кој управувал мопед со тетовски регистарски ознаки, паднал на коловозот.
Во несреќата тешки телесни повреди добил М. Н., констатирани во комплексот клиники „Мајка Тереза“.
Извршен бил увид од екипа на СВР Скопје.