Црна хроника
Грк се обидел да пренесе чекови во вредност од околу 100.000 евра
Во петокот, на Царинска испостава „Богородица”-отсек за патнички промет, царинските работници пронашле и привремено задржале 33 чекови во вкупна вредност од 99.099 евра.
Имено, на граничниот премин „Богородица” за влез во Република Македонија, се пријавило лице со грчко државјанство, управувајќи патничко моторно возило со грчки регистарски ознаки.
На прашање на царинскиот работник дали има нешто да пријави за царинска контрола, лицето пријавило дека има само 3.000 евра. По извршен претрес на возилото и личен претрес на лицето, во личната торби на патникот се пронајдени пари во вредност од 4.000 евра и уште 2.000 евра во џебовите, како и 33 чекови со вкупна вредност од 99.099 евра.
Согласно член 15 од Законот за девизно работење, обврска на секој резидент и нерезидент во Република Македонија е да пријави внесување на странски хартии од вредност (чекови) во Република Македонија и потребно е одобрение од Комисијата за хартии од вредност, која ги определува условите и начинот под кои може да се добие одобрение за реализација на трансакциите.
Исто така се известува Агенцијата за спречување на перење пари која води понатамошна контрола за потеклото на парите.
Во случајот чековите се непријавени, поради што против лицето ќе се спроведе прекршочна постапка и ќе биде изречена прекршочна санкција која предвидува плаќање глоба и одземање на чековите со вредност од 99.099евра.
Согласно Законот за девизно работење, нерезидентите при внесување на ефективни странски пари во Република Македонија, немаат обврска да пријават девизи до износ од 10.000 евра, поради што на лицето пронајдените 6.000 евра му се ослободени и вратени.
Привремено се задржани 33 чекови со вредност од 99.099 евра, а против лицето е започната прекршочна постапка./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.