Европа
Околу 35.000 луѓе ‘за’ и ‘против’ Pegida на улиците на Дрезден, пријавени судири
Повеќе од 35 илјади приврзаници и противници на германското граѓанско движење Pegida (Европски родољуби против исламизацијата на Западот), коешто го критикува приливот на бегалци во земјата, се собираат во понеделникот во источногерманскиот град Дрезден, пренесуваат медиумите, додавајќи дека има судири и повредени меѓу демонстрантите од двата табора.
Според интернет страницата на весникот Saechsischer Zeitung, настрадал активист на Pegida и уште тројца други контра-демонстранти. Полицијата, меѓутоа, сé уште не ја потврдува оваа информација за повредени, но претходно потврди дека имало судири меѓу активисти двата табора.
Според телевизијата N-tv, на улиците на Дрезден има најмалку 30.000 луѓе. Весникот Saechsische Zeitung известува за најмалку 20 илјади луѓе во манифестацијата којашто ја закажа Pegida, којашто се одржува на Театарскиот плоштад во Дрезден, а студентската иницијатива Durchgezaehlt известува за повеќе од 14 илјади активисти противници на антиисламското движење. Основачот на движењето, Луц Бахман, изјави дека Pegida собрало околу 39 илјади луѓе.
Портпаролот на полицијата во Дрезден за агенцијата РИА одбил да го прецизира приближниот број учесници на неколкуте собири во центарот на градот, препорачувајќи ги процените на организаторите на собирите.
Движењето Pegida во понеделникот ја одбележува годишнината од почетокот на одржување на собирите на 20-ти октомври 2014 година во Дрезден, под мотото „против исламизацијата на Европа“, чија бројност со текот на времето од неколку илјади достигнаа и над 25 илјади, а одржувајќи се еднаш седмично се проширија и на другите германски градови.
Движењето по овој повод во понеделникот издаде манифест во кој се повикува на борба за заштита на христијанската култура, но истовремено и повикува на толерантност кон умерените муслимани. Поддржувачите на движењето, чии активности речиси беа замрени, во последно време се активираа во атмосфера на незапаметениот бран бегалци и имигранти во Германија, чиј број до крајот на 2015 година, според сите процени, далеку ќе ги надмине предвидените 800.000 луѓе, кои пристигнуваат најмногу од Блискиот исток, а ги има и од северна Африка и од Азија.
Агенцијата AFP пренесува дека приврзаниците на Pegida вееле германски знамиња и извикувале „Ние сме народот“, преземајќи го слоганот од протестите против комунистичката диктатура во поранешната Источна Германија кон крајот на 1989 година во престолнината на сојузната покраина Саксонија. Собирот на Pegida го обезбедуваат повеќе од 1.000 полицајци, кои дошле како засилување од другите делови на Германија.
Собирот минува во многу напната атмосфера, по саботниот напад со нож од невработен 44-годишен Германец врз кандидатката за градоначалничка на четвртиот по големина германски град Келн, 58-годишната Ханриете Рекер, кој инаку бил противник на политиките на „отворени врати“ за бегалците од страна на канцеларката Ангела Меркел чија партија ја поддржа Рекер. Кандидатката беше тешко повредена во вратот, и по операцијата закрепнува, а во неделата победи со 52 отсто од гласовите и стана градоначалничка на Келн.
На минатонеделните собири на Pegida еден учесник носеше бесилка со натписот „Резервирано за Меркел“ и „Резервирано за Габриел“ (вицеканцеларот Зигмар Габриeл, челникот на помалата партија во владејачката коалиција – Социјалдемократска партија на Германија – SPD – з.м.), а еден од челниците на движењето ја нарече канцеларката „најопасната жена во Европа“.
Германските власти поради тоа отворија истрага. Министерот за внатрешни работи Томас де Мезиер, непосредно пред почетокот на манифестациите во Дрезден во понеделникот вечерта, преку јавниот сервис ARD ги нарече организаторите на собирот на Pegida „радикални десничарски екстремисти“.
Претходно во понеделникот, канцеларката Меркел преку соопштение на нејзиниот кабинет ги повика Германците да не ги следат оние кои „ја носат омразата во срцето“, алудирајќи на вечерашниот собир на Pegida./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.