Црна хроника
Две деца во болница, а четири автомобили оштетени по пожар во подземни гаражи во Скопје
Во скопската полиција, рано утрово, околу 3 часот по полноќ било пријавено дека во подземни гаражи на улицата Седма албанска бригада настанал пожар при што биле опожарени три возила: „ауди“, „опел астра“ и „фолксваген пасат“, а оштетено било и „бе-ем-ве“, сите со скопски регистарации.
Пожарот бил изгаснат од екипа на скопската бригада за противпожарна заштита, а од екипа на Итна медицинска помош на местото на настанот помош им била укажана на 15 станари кои вдишале чад.
Тие се во добра здравствена состојба, додека две деца, поради вдишување чад биле пренесени на опсервација во Клиниката за токсикологија.
Надлежните преземаат мерки за расчистување на случајот.
*Фотографијата е илустрација, а не од конретниот случај
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Судир меѓу две возила на „Цветан Димов“, скопјанец е тешко повреден
Скопјанец е тешко повреден во судрир меѓу две возила во Скопје.
– На 30.04.2024 во 12.35 часот во СВР Скопје било пријавено дека на ул.„Цветан Димов“ во Скопје се случила сообраќајна несреќа помеѓу патничко возило „форд“, управувано од Ј.Р.(51) од Скопје и патничко возило „фолксваген“, управувано од Б.Р.(67) од Скопје, двете со скопски регистарски ознаки. Во несреќата со тешки телесни повреди се здобил Б.Р., констатирани во Градската општа болница „Св.Наум Охридски“, информираа од полицијата.
Црна хроника
Удрена пензионерка во Скопје, со тешки повреди е пренесена во болница
Вчера во 14.20 часот во СВР Скопје било пријавено дека на ул.„Јустинијан Први“ во Скопје товарно возило „форд“ со скопски регистарски ознаки, управувано од А.М.(32) од Скопје удрило во пешакот Љ.В.(73) од Скопје.
Во несреќата Љ.В. се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.
Црна хроника
Претрес во Стојаково, пронајдена дрога, приведено едно лице
Вчера во 16.10 часот во село Стојаково, општина Богданци, полициски службеници од ОВР Гевгелија го лишиле од слобода В.К.(30) од село Стојаково.
При претрес на неговиот дом, извршен со судска наредба, била пронајдена марихуана. За настанот бил запознаен јавен обвинител од Основното јавно обвинителство Гевгелија и по документирање на случајот против него ќе биде поднесена соодветна пријава.