Црна хроника
Уште тројца скопски нарко дилери паднаа во 'Мрежа'
Во рамки на оперативната акција „Мрежа” на скопската полиција, односно Единицата за недозволена трговија со дрога, откриени се два засебни случаи, едниот во Кисела Вода а другиот во Гази Баба, во кои се откриени и приведени вкупно три лица кои распространувале марихуана и хероин, и притоа запленети се и поголем број поединечни дози од двата вида наркотици подготвени за улична продажба.
Во првиот случај со кривична пријава до надлежното Основното јавно обвинителство Скопје е предаден 28-годишен скопјанец идентификуван со иницијалите М.К.(28) од Скопје, поради основано сомневање дека сторил кривично дело „Неовластено производство и пуштање во промет наркотични дроги, психотропни супстанци и прекурсори”.
Имено, Единицата за недозволена трговија со дрога, по добиеното сознание дека пријавениот, од засега непознато лице од земјава, набавил поголема количина марихуана, која ја препакувал за улична продажба, превзеде интензивни оперативно-тактички мерки и активности за обезбедување на материјални докази, при што е утврдено дека пријавениот, марихуаната најчесто ја продавал од својот дом во Кисела Вода или во непосредна близина на неговиот дом. Полициските службеници од Единицата за недозволена трговија со дрога, постапувајќи по добиеното сознание, во непосредна близина на домот на пријавениот, легитимирале и извршиле личен преглед на четири лица, при што кај нив се пронајдени и одземени четири паковки со марихуана.
Со наредба од судија на претходна постапка, од страна на полициски службеници од Единицата, извршен е претрес и во домот на пријавениот, при што се пронајдени и одземени 88 паковки марихуана (вкупно 175,62 гр.) за улична продажба, една поголема кеса со наркотична дрога марихуана (290 гр.), една дигитална вага и 68.000 денари во разни апоени, а М.К. е лишен од слобода.
Инаку, пријавениот е регистриран како извршител на имотни деликти, деликти проследени со насилство и недозволена трговија со оружје, за што во периодот 2000/2012 му се поднесени 10 кривични пријави за извршено вкупно 31 кривично дело, а од надлежен суд му се изречени пет мерки засилен надзор од социјален орган и една условна осуда.
Во вториот случај, поднесена е кривична пријава, исто така, против двајца скопјани 36-годишниот Х.А. и 32-годишната З.Х. од Скопје, поради основано сомневање дека сториле кривично дело „Неовластено производство и пуштање во промет наркотични дроги, психотропни супстанци и прекурсори”, за што од страна на Судија во претходна постапка им е изречена мерка притвор во траење од по 30 денови.
Имено, првопријавениот во април, од засега непознато лице, купил неодредена количина на хероин која ја препакувал за улична продажба и заедно со неговата пријателка второпријавената, со која живеат во Гази Баба, истата ја продавале на уживатели и тоа најчесто во нивниот дом или ја разнесувале со возило на претходно договорени места на подрачјето на градот. Полициски службеници од Единицата за прв одговор и интервенција „Алфа” при рутинска контрола на патник во такси возило пронашле една полиетиленска паковка во која имало поголема доза на хероин. Лицето е лишено од слобода и предадено во Единицата за недозволена трговија, каде полициските службеници утврдиле дека 4, 12 хероин приведениот ги купил од домот на пријавената за 5.000 денари. Со наредба од судија на претходна постапка, од страна на полициски службеници од Единицата за недозволена трговија, извршен е претрес во домот на пријавените при што се пронајдени и одземени 214,49 грама хероин, спакуван во 49 паковки за улична продажба и 99 грама смеса од парацетамол и кофеин, која се користи за мешање со хероинот. Осомничената е приведена и по изречената мерка од судија на претходна постапка предадена е за издржување на 30 дневен притвор, додека првоосомничениот, кој при претресот се наоѓал во болница на укажување помош од зависности од дрога, по препорака на одговорен лекар мерката притвор ќе ја издржува во арестантско одделение во Клинички центар.
Инаку, осомничениот уште како малолетник е регистриран сторител на имотни деликти и деликти проследени со насилство, за што во периодот од 1994 до 2012 година му се поднесени 21 кривична пријава за сторени вкупно 61 кривично дело, а од надлежен суд му се изречени пет мерки засилен надзор од социјален орган, една условна осуда и две казни затвор. Од друга страна, како сторител на кривични дела од областа на недозволената трговија е регистриран во 2004 година и од тогаш до денес му се поднесени 9 кривични пријави за недозволена трговија со дрога и една кривична пријава за недозволена трговија со оружје, за што од надлежен Суд му се изречени три казни затвор./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Пијан возач од Турција направи хаос во Аеродром
Полицијата објави фотографија од сообраќајката што се случила синоќа на улицата Матеја Матевски во Аеродром, кога возач на „БМВ 5“ изгубил контрола и удрил во контејнери и во паркирано возило алфа Ромео. Осомничениот, 22-годишниот М.А.А. од Турција со привремен престој во Скопје, избегал од местото, јави Министерството за внатрешни работи.
Според пријавата, настанот се случил вчера во 22:50 часот. Полицијата го лоцирала возачот по кратка потера и го привела. При алкотест му биле измерени 0,97 промили алкохол во крвта, а по распитот бил изнесен пред судија за прекршоци.
Осомничениот се товари за 3 прекршоци, недозволена брзина, напуштање на лице место и возење под дејство на алкохол.
Црна хроника
Излизган камион го прекина сообраќајот на патот Струмица-Ново Село
Излизган камион на магистралниот пат Струмица-Ново Село-граничен премин со Бугарија, пред влезот во селото, предизвика прекин на сообраќајот од скоро еден час, од 14:10 до 15:00 часот.
Според информации од СВР Струмица, во сообраќајката нема повредени и загинати, а причинета е само материјална штета.
И од АМСМ информираа дека сообраќајот на магистралниот пат А4 Струмица – Ново Село кој беше во прекин поради случена сообраќајна незгода е нормализиран.
– Сообраќајот на државните патишта се одвива непречено, по влажни коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата, информира АМСМ.
Црна хроника
Со БМВ удрил во контејнери и автомобил, па побегнал
Вчера во 22:50 часот во СВР Скопје е пријавено дека на сервисна улица од ул.„Матеја Матевски“ во Скопје патничко возило БМВ со скопски регистарски ознаки, управувано од М.А.А.(22) од Р.Турција, а со привремен престој во Скопје, удрило во контејнери и патничко возило алфа ромео со демиркаписки регистарски ознаки. М.А.А. го напуштил местото на настанот, но по преземени мерки од полициски службеници, тој набрзо бил фатен.
По целосно документирање на случајот ќе следува соодветен поднесок.

