Регион
Турција трага по тројца бомбаши кои планирале и напад врз дербито во Истанбул
Турските власти трагаат по тројца можни бомбаши чии фотографии во понеделникот на насловните страници ги објавија медиумите, за кои се веруваат дека планирале самоубиствени напади зад кои стои екстремната сунитска организација Исламска држава, откако осомничениот на оваа џихадистичка групација уби во саботата утрото во Истанбул тројца Израелци и еден Иранец, а рани уште 36 луѓе од кои 24 се странски државјани.
Саботниот терористички напад во долгата пешачка зона на истанбулската авенија Истиклал која во текот на викендите е посетува од повеќе од три милиона домашни и странски туристи, е четвртиот самоубиствен бомбашки напад во Турција од почетокот на годинава.
За двата, саботниот со четири жртви, и претходно во јануари, исто така, во центарот на Истанбул во самоубиствен бомбашки напад беа убиени 12 странци, повеќето германски туристи, турските власти ја обвинија Исламската држава.
Нападот во Истанбул е изведен нецела седмица по самоубиствениот напад со автомобил бомба минатата недела во центарот на турската престолнина Анкара во близина на владини згради, во кој беа убиени 35 луѓе а ранети повеќе од 120. Кон крајот на февруари, Анкара беше потресена уште една голема експлозија на автомобил бомба, исто така, во централното подрачје кога беше нападната автобус кој превезуваше воени офицер при што загинаа 29 лица за што одговорноста ја презема екстремната курдска фракција Јастреби за слободата на Курдистан (ТАК).
Турските медиуми објавија дека лицата од фотографиите на осомничени за припадници на Исламската држава добиле упатства за други напади на јавните места полни со луѓе.
Весникот Hhurriyet пишува дека одложувањето на фудбалскиот натпревар меѓу големите ривали Галатасарај и Фенербахче во неделата било резултат на сознанијата дека џихадистите планираат сличен напад како ланскиот 13-ти ноември во Париз, кога тројца бомбаши самоубијци се разнесоа во близина на стадионот „Стад де Франс“ на кој се играше пријателскиот меч меѓу селекциите на Франција и Германија.
Добро запознаени разузнавачки извори потврдиле дека Исламската држава планирала напад при крајот од дерби мечот во Истанбул, кога навивачите на големите градски ривали ќе го напуштаат стадионот. Според нив, џихадистите прво требало да извршат самоубиствен бомбашки напад во масата навивачи, а потоа да отворат неселективен оган од автоматско оружје.
По добивањето на разузнавачките информации, претставниците на министерството за внатрешни работи заедно со директоратот за безбедност на Истанбул решиле да преземат соодветни мерки. Првично било решено натпреварот да се одигра без присуство на публика, но потоа само еден час пред почетокот на мечот го откажа неговото одигрување.
Исламската држава, исто така, планирала напади на места во Истанбул на кои се прославувал Наврзу, кој го слават Курдите и Иранците, но нејзините милитнатите се насочиле на фудбалскиот натпревар, откако поради саботниот бомбашки напад од безбедносни причини беа откажани прославите на Навруз.
За планот за нападот на натпреварот Галатасарај-Фенербахче е осомничен извесен Јунус Дурмаз, во редовите на Исламската држава познат како „емирот од Газиантем“, познат и како Ебу Али, кој бил планерот на мировниот протест во Анкара, кога на железничката станица во турската престолнина Анкара на 10-ти октомври 2015 година во двоен бомбашки напад беа убиени 103 луѓе, што е најголемиот терористички чин извршен на територијата на Турција.
Претседателот Реџеп Тајип Ердоган изјави во неделата вечерта дека натпреварот е одложен поради „сериозни разузнавачки сознанија“, одговарајќи на прашањата за време на гостувањето на државната телевизија TRT./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.