Свет
Трамп тврди дека стигнуваат тестовите за имунитет на коронавирусот, а научниците негираат
Администрацијата на американскиот претседател, Доналд Трамп, најави на почетокот на месецот дека набргу доаѓаат тестови за имунитет на коронавирусот, кои би можеле значително да им го олеснат животот на оние што го прележале вирусот.
„Тоа ќе биде многу важно во попуштање на мерките и враќање на луѓето на работните места. Тестовите на антитела ќе ни покажат дали лицето е имуно на болеста и ако е, ќе може да им се врати на нормалните активности“, рекол главниот медицински советник на Трамп, Антони Фочи.
Трамп на 5 април изјави дека е остварен фантастичен напредок во изработката на тестови за имунитет на коронавирусот, а поранешниот потпретседател, Мајк Пенс, пет дена подоцна рече дека во прашање се денови кога тестовите ќе бидат достапни.
Но, како што пишува Си-ен-ен, членот на американската научна академија, Дејвид Релман, рекол дека истражувањето не оди најдобро и дека постојат неколку проблеми со тестирањето на имунитетот.
Академиците ја обвинуваат Агенцијата за храна и лекови зошто ги попуштила мерките и овозможила пазарот да го преплават многубројни тестови, кои се многу неквалитетни и неточни. Повеќето од тестовите се изработени во Кина според многу ниски стандарди, тврди директорот на американската Лабораторија за јавно здравство, Скот Бекер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.