Црна хроника
Арамии ограбиле казино, златара, маркет и училиште
Две маскирани и вооружени лица влегле во казиното „Ројал“ во Тетово во среда наутро, при што под закана на оружје одзеле околу 197.000 денари.
Во исто време во Кавадарци, двајца арамии упаднале во „Златара Перо“, од каде украле околу 100 часовници. Додека краделе, биле забележани од полицаец, кој повикал засилување. Крадците започнале да бегаат, а еден од нив бил фатен од случајни минувачи и предаден на полицијата.
Во вторник вечер, две маскирани лица влегле во „Кам Маркет“ во Чаир и со закана со пиштол извршиле разбојништво над тројца вработени, одземајќи 44.000 денари од дневниот промет.
Кражбе била извршена и во ОУ „Дитурија“ во селото Сарај, од каде биле украдени три компјутера.
Во сите случаи полицијата трага по сторителите. /крај/со/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Петгодишно дете исчезна во Сарај, МВР го најде по два часа
Петгодишно девојче исчезнало денес околу 16.20 часот во паркот Сарај.
Како што објави МВР, веднаш презеле мерки, па околу 18.15 часот детето било пронјадено.
Претходно, од полицијата информираа дека се трага по девојче со руса долга коса, облечено во розово фустанче и розови чевли
Црна хроника
Ископана човечка коска во дворот на Клиничкиот центар во Скопје
Вчера во СВР Скопје било пријавено дека кај Клиника за психијатрија при Комплексот клиники „Мајка Тереза“, при изведување на градежни работи – вршење на ископ, била пронајдена коска, најверојатно човечка, на место каде порано имало гробишта.
Излезено било на местото на настанот од полициски службеници од СВР Скопје и известен бил јавен обвинител.
Црна хроника
Во куќарка на паркинг во Центар пронајдено починато лице
Во 06.10 часот во СВР Скопје било пријавено дека на подрачјето на Центар, во куќарка на паркинг, додека бил на неговото работно место, бил пронајден починат Д.С.(63) од Скопје.
Од страна на лекар од Итна медицинска помош констатирана била смрт без видливи траги на насилство.
Извршен бил увид од увидна екипа од СВР Скопје, а по наредба на Јавен обвинител телото на починатиот било дадено за обдукција.