Црна хроника
Фатени две Бугарки кои краделе по ГТЦ во Скопје

Две бугарски државјанки се предадени на обвинителството за понатамошна постапка, за кои е утврдено дека вршеле џепни кражби во Трговскиот центар во Скопје.
Лицата К.В.Ј. (32) и С.Е.Г. (22), државјанки на Р.Бугарија, намера за себе да прибават противправна имотна корист на 13 овој месец во Градскиот трговски центар во Скопје, поточно во бутикот “Принципе“ извршиле три џебни кражби при што се стекнале со противправна имотна корист од 20.200 денари.
Во врска со тоа од страна на Истражен судија на пријавените им е одредена мерка притвор во траење од по 15 дена.
Според документираните сознанија на 13 овој месец, пријавените во периодот од 12.30 часот до 13 часот, отишле во ГТЦ во бутикот каде ја забележале С.Н. (20) од село Крушопек – Скопје, која во бутикот разгледувала по изложените предмети.
Тие и пришле и искористувајќи го нејзиното невнимание со протнување на рака во ташната која ја носела со себе и го извадиле паричникот во кој имала лична карта, студентска легитимација и 3.200 денари, по што се упатиле во правец на блискиот “Жена Парк“, каде што ги зеле парите, а паричникот со личните документи го фрлиле во грмушките во паркот.
Исто така, во бутикот ја забележале и оштетената М.Б. (32) од Гевгелија, која во бутикот разгледувала по изложените предмети, по што двете, К.В.Ј. и С.Е.Г., и од ташната која ја носела со себе го извадиле паричникот во кој имала лична карта, возачка дозвола, кредитни картички од банки, 50 евра и околу 5.000 денари со што се стекнале со против правна имотна корист од околу 10.000 денари по што повторно се упатиле во правец на “Жена Парк“, каде што ги зеле парите, а паричникот со личните документи ги фрлиле во грмушките.
И во третиот случај идентично на претходните, тие влегле во бутикот каде ја забележале Л.Ј. (62) од Скопје која разгледувала по изложените предмети, по што и пришле и искористувајќи го невниманието на Јанкуловска со протнување на рака во ташната која ја носела со себе извадиле два паричника во кои имала лична карта на нејзино име, картички и околу 6.000 денари со што се стекнале со против правна имотна корист од околу 6.000 денари и се упатиле во правец на “Жена парк“, каде што откако ги зеле парите, паричниците ги фрлиле во грмушките во паркот.
Од Отсекот за џебни кражби пронајдени се и приведени сторителките во службените простории на СВР-Скопје. Со нив е извршен разговор, извршено е и препознавање од страна на оштетените лица кои со сигурност ги препознале двете како извршители на кражбите.
Од сопственичката на бутикот доставено е ЦД со видео запис од видео надзорот во бутикот од кој се изготвени фотографии на кои се гледаат како К.В.Ј. и С.Е.Г. ја вршат кражбата над М.Б. /крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Две жртви во два автобуса: украдени паричник и накит од патнички во Скопје

Две кражби со насилство се пријавени во aвтобус во Скопје за само еден ден. Во Чаир, додека се возела во автобус, М.К. (48) од Скопје останала без паричник со пари, лични документи и други предмети, кои ѝ биле одземени од нејзината чанта.
На подрачјето на Центар, В.З. (20) од Скопје пријавила дека, додека излегувала од автобус, едно лице ѝ го одзело личниот накит со употреба на сила. Полицијата презема мерки за расчистување на двата случаи.
Црна хроника
Малолетник нападнат на училишно игралиште од татко на друго дете во Карпош

Во Карпош, на училишно игралиште, малолетно дете било физички нападнато од татко на друго дете, со кого претходно имало конфликт.
Случајот го пријавила мајката на детето, А.Р. (41) од Скопје, а полицијата презема мерки за расчистување на настанот.
Црна хроника
Четирицикл се преврте во Лазарополе – Италијанец тешко повреден

Во атарот на село Лазарополе, на шумска необележана патека, италијански државјанин Л.М. (56) изгуби контрола над својот четирицикл и се преврте.
Во несреќата, тој се здоби со тешки телесни повреди и беше пренесен во болница „Св. Еразмо“ во Охрид, каде му беше укажана медицинска помош.
На местото на настанот извршен е увид од полицијата.