Спорт
Ѓоковиќ предмет на потсмев за тврдењата дека со умот може да ја менува храната
Откако претходните денови беше на удар на јавноста поради ставовите против вакцините, светскиот рекет број 1 повторно беше предмет на потсмев по тврдењето дека со користењето на умот и емоциите може да се менува составот на храната и водата.
Србинот е познат по неговата спиритуалност и промовирањето на алтернативната медицина, како и по соработката со „гуруто“ Пепе Имаз, а во 2018 година изјави дека плачел два или три дена поради повредата на лактот бидејќи чувствувал вина за тоа што го направил на своето тело.
Неодамна, тој изјави дека ќе размисли за тоа дали ќе се вакцинира за корона вирусот кога ќе биде достапна вакцината ако тоа е задолжително за кам-бекот на АТП турнејата, по што дури и неговиот ривал Рафаел Надал му порача дека мора да го стори тоа.
Сега, 32-годишниот Ѓоковиќ при разговор на Инстаграм со неговиот пријател Червин Џафариех, основачот на „иновативниот велнес бренд“ „Симбиотика“, тврди дека со моќта на емоциите и на умот може да се прочисти загадената вода или храна.
„Тоа е нешто што не е поврзано со некоја официјална форма на нутриционизам и начинот на кој треба да јадеш и да пиеш. Знам некои луѓе кои со енергетски трансформации, со моќта на молитвата, со моќта на благодарноста, успеаја најтоксичната храна или најзагадената вода да ја претворат во лековита вода, бидејќи водата реагира. Научниците го потврдија овој експеримент, дека молекулите на водата реагираат на нашите емоции или на тоа што ќе се каже. Треба секој ден да се потсетуваме дека кога ќе седнеме да јадеме треба тоа да го правиме без камери, без телефони, без да гледаме работи. Или уште полошо, да имаш нервозни или конфликтни разговори со твоите блиски додека јадеш“, вели Ѓоковиќ.
Дел од тениските коментатори велат дека тој пренесува опасна порака до јавноста. Мери Карилјо, коментаторка на „Тенис ченел“ вели дека се работи за вознемирувачко интервју.
„Луѓето од Флинт, Мичиген, каде што пијат загадена вода, би сакале да го направат тоа. Знам дека верува во медитација, во молитви, во холистичко лекување, но вознемирена сум од пораката дека токсичната вода може да се претвори во обична вода со умот. Се надевам дека ќе се повлече од тоа“, вели Карилјо.
Популарниот тениски новинар, Џон Вертхајм вели дека Ѓоковиќ има право да оди против конвенционалните норми, но дека треба да биде свесен за последиците.
„Мора да биде внимателен, бидејќи има последици од ова. Многу краток е патот до многу опасни теории на заговор. Како светски број 1, тој има одговорност и дел од тоа е да ја почитува науката и објективната вистина“, вели Вертхајм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.