Гостиварската полиција соопшти дека поднела пријава против лицето што во петокот во раните попладневните часови пукаше кон куќа на улицата .„Мара Угринова”, а станува збор за педесетгодишен жител на Гостивар кој поради меѓусебно нетрпение го ранил двајцата родители

Педесетгодишниот жител на Гостивар со иницијали Ј.С повеќепати пукал во куќата на неговиот 69 годишен татко, по што сосе оружјето се предал на гостиварската полиција чии припадници излегле на спомената адреса по дојава од жител дека во тек е пукање.

Според првичните сознанија, гостиварецот поради нетрпение и нерасчистени имотно-правни односи сакал да им ги одземе животите на своите родители. Од испуканите куршуми со прострелна рана во пределот на десната подлактица се здобил таткото, додека мајката се здобила со прострелна рана во пределот на десната надлактица.

Ранетите биле префрлени во гостиварскиот медицински центар каде што тактот на напаѓачот е задржан на лекување, додека неговата мајка поради сериозноста на повредата е пренесена во скопскиот Ургентен центар.

При увидот што на местото на инцидентот го извршила екипа од Полициската станица Гостивар биле пронајдени 127 чаури калибар 357мм, револвер „Смит Весон” калибар 357мм, без куршуми во него и футрола во која имало 18 куршуми калибар 357мм, кој осомничениот за пукањето нелегално го поседувал. /крај/мф/сн