Црна хроника
Ученик во Москва зема заложници и уби две лица
Две лица се убиени а едно е рането во заложничката драма во Москва, кога околу пладне во понеделникот тинејџер вооружен со карабин и пушка влегол во едно од средните училишта во североисточниот дел од руската престолнина, пренесуваа руските медиуми.
Вооружениот млад човек заканувајќи му се со оружје на обезбедувањето на училиштето коешто се обидело да го спречи, околу 12 часот по московско време влегол во едена од училниците во којашто имало 20 заложници, РИА Новости.
По половина час, по наговор од неговиот татко, тинејџерот ги ослободил заложниците, пренесува Итар-Тасс повикувајќи са на полициски извори . „По настанот, во училиштето дојде таткото на средношколецот. Тој го наговори синот да ги ослободи учениците и да се предаде“, изјавил за агенцијата Александар Латишев, началник на информациско-аналитичкиот центар на одделот на префектурата за североисточниот административен округ на Москва.
Според првичните сознанија на истрагата, ученикот влегол во училиштето вооружен, обезбедувањето се обидело да го спречи но сепак успеал да влезе во зградата. Обезбедувањето успеале да го активираат системот за аларм, а потоа да го доведат до кабинетот по биологија во кој имало ученици од 10-ти клас. По патот ученикот отворил оган ранувајќи еден наставник кој подоцна починал од здобиените повреди. На повикот од училишното обезбедување наскоро пристигнала полициска патрола , а откако полицајците влегле во училиштето, напаѓачот отворил оган врз нив, при што еден е убиен а вториот бил ранет. Вкупно истрелал 11 куршуми од малокалибарка.
Според прелиминарните сознанија, вооружениот ученик имал одличен успех, и најверојатно кај него дошло до некој емотивен слом, рекол за медиумите портпаролот на Истражниот комитет на Руската Федерација, Владимир Маркин, кој дошол на местото на настанот. Сепак, истакнал дека „вистинските мотиви ќе бидат познати по завршувањето на истрагата“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Возило од Албанија излетало од патот во Струшко: повредени се повеќе лица
Утрово во 08.10 часот, на магистралниот пат Ќафасан – Подмолје, кај клучката за струшкото село Радожда, патничко возило „мерцедес“ со албански национални ознаки, управувано од Ѓ.А.(55) од Елбасан, Република Албанија, излетало надвор од коловозот.
Во несреќата, со тешки телесни повреди се здобил совозачот Б.Х.(31), а со телесни повреди се здобиле возачот Ѓ.А. и сопатниците М.Џ.(51), Ц.П.(34)и Д.Х.(24), сите од Република Албанија, констатирани во болницата „Св.Еразмо“ во Охрид.
Надлежните информираат дека увид извршиле полициски екипи.
Црна хроника
Во оптек пуштил лажни евра: уапсен маж од Кичевско
Вчера во 03.00 часот, во казино на булеварот „Туристичка“ во Охрид, од слобода бил лишен Р.Б.(28) од кичевското село Долно Страгомиште.
Тој се сомничи дека во оптек пуштил лажни евра кои сакал да ги прикажи како вистинити, со што сторил кривично дело „фалсификување пари“, според член 268 од Кривичниот законик.
Полицијата соопшти дека против него ќе биде поднесена соодветна пријава.
Црна хроника
Жена од Скопско тешко повредена: ја прегазил трактор
Вчера во 18.55 часот во СВР Скопје, било пријавено дека во с.Р`жаничино, скопско, трактор „ИМТ“ со скопски регистарски ознаки, управуван од Г.К.(50) од с.Р`жаничино, удрил во пешакот С.Л.(57) од истото село.
Во несреќата со тешки телесни повреди се здобила С.Л., констатирани во Комплекс клиники „Мајка Тереза“ Скопје.
Извршен бил увид од увидна екипа од СВР Скопје.