Спорт
МЗТ Скопје го „избриша“ Антиќ и КФМ и се закани со суд
МЗТ Скопје Аеродром преку соопштение луто реагираа на одлуката на КФМ да ја прекине сезоната без да се прогласи шампион.
Во соопштението се вели дека преку својот адвокатски тим ќе поднесат кривични пријави за да се покаже „правдата“.
„Перо Антиќ ќе имаше уште поуспешна кариера, само да беше така упорен, ангажиран и фокусиран на паркетот како што беше изминативе 40-тина дена во битката за остварување на сопствената и желбата на коалициските партнери да го остави МЗТ Скопје без валидација на трудот и резултатите остварени на паркетот во периодот од август 2019 до средината на март 2020 година.
Одлуката за поништување на сезоната без да се прогласи шампион не нѐ изненади, знаејќи под какви притисоци и закани беа прво клубовите, а потоа и членовите на Управниот одбор, кои мораа по неколку пати да се изјаснуваат само за да го изгласаат тоа што го посакуваше Антиќ со своите „партнери“. Одборниците беа ставени пред свршен чин, да гласаат само за еден предлог, наметнат со претходно сомнително гласање на кое беше прогласена победа со само 40% од гласовите на присутните, а меѓу кои имаше и луѓе кои немаат било каква формална конекција со клубовите кои ги претставуваа. На членовите на УО им благодариме на првичната поддршка со 13 од 16 можни гласа и за реалното размислување, кога од нив беше барано слободно да дадат мислење, а не само да гласаат за наметнато решение. Само се надеваме дека и тие сфатија со кого соработуваат, поради што очекуваме во најбрзо време и нивни оставки како морален чин поради деспотскиот однос на првиот меѓу еднаквите во нивното друштво.
За МЗТ Скопје Аеродром борбата против деспотизмот на Антиќ не завршува со оваа негова одлука. Нашето барање за вреднување на тоа што се случуваше на паркетот, во ситуација кога не по наша вина дојде до една ваква уникатна ситуација и прекин, ќе го пренасочиме кон судските инстанци. Ќе побараме надлежните органи да ја прочешлаат работата на КФМ, да се види дали имало злоупотреба на должноста, дозвола за гласање на невалидни лица и многу други небулози и сомнителни работи за кои знаеме или сме слушнале. Ако треба, во договор со нашиот адвокатски тим, ќе поднесеме и кривични пријави, со цел правдината да излезе на виделина, особено во делот како пласманот во Првата лига е поништен, а пласманот во Втората лига е валиден, што само по себе е небулозно и правно неиздржано.
Истовремено, ќе побараме да ни се вратат сите пари кои сме ги платиле на сметката на КФМ за сезоната 2019/20, која, според одлуката на Куќата на кошарката, како и да не се одиграла. Тоа се однесува на котизација, казните, парите за лиценци на странските кошаркари и сите останати давачки. Ако нешто не постоело, тогаш не гледаме зошто би плаќале за тоа. Истовремено, ги охрабруваме сите останати клубови да ни се приклучат кон ова барање, бидејќи и тие се оштетени со поништувањето, кое им го брише целиот вложен труд и остварени успеси и победи, без разлика на пласманот на табелата.
Од денеска, Перо Антиќ и неговите соработници повеќе не постојат за МЗТ Скопје Аеродром. Тие дојдоа на власт со мотото „спортот на спортистите“, но сѐ што направија досега е заштита на сопствените и на интересите на малата група која е собрана околу нив, а со која ги врзуваат не само спортски конекции. Ова е само загубена битка, но – војната продолжува, во која „противникот“ има повеќе да загуби, бидејќи ние сме тие што создаваме играчи, а КФМ е само организатор на првенства со наши пари.
И ќе војуваме сѐ додека КФМ и нејзиниот претседател не престане да биде за едни мајка, а за други маќеа. Сѐ додека Антиќ и другарите не почнат да работат во интерес на сите, а не само за своето бизнис-лоби. Сѐ додека не победи кошарката.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Виктор Треневски е кандидат за клупата на Партизан
Поранешниот македонски репрезентативец, Виктор Треневски, според црногорските медиуми и главниот кандидат за нов тренер на фудбалскиот клуб Партизан.
Партизан, во неделата му врачи отказ на Срѓан Благојевиќ, откако клубот испадна од Купот на Србија, по поразот од второлигашот Мачва, а во саботата доживеа тежок пораз од Чукарички.
Виктор Треневски е поранешен македонски фудбалер кој ги бранеше црно-белите бои помеѓу 1995 и 1998 година.
Досега, Треневски беше тренер на Грбљ, Ком, Дечиќ, Работнички и Заврч, додека моментално е главен тренер на Балкан Иглс, тим кој се натпреварува во третото ниво на црногорскиот фудбал.
Од друга страна „Телеграф“ пишува дека потпретседателот на клубот Предраг Мијатовиќ сака шпански тренер.
Прв избор е Диего Мартинез, 44-годишен стручњак кој во текот на својата кариера ги тренираше Осасуна, Гранада, Еспањол, Олимпијакос и Лас Палмас.
Foto/ cg-fudbal.com
Спорт
Почина Шарлс Кост, најстариот олимписки шампион
Највозрасниот олимписки шампион во светот, поранешниот француски велосипедист Шарл Кост, почина на 101-годишна возраст, објави министерката за спорт на Франција, Марина Ферари.
Кост го освои златниот медал на Олимписките игри во Лондон во 1948 година во дисциплината екипна потера, а минатото лето беше носител на олимпискиот факел на Игрите во Париз.
Le #CNOSF rend hommage à la mémoire de Charles Coste, champion olympique à Londres, en 1948, dans l’épreuve de poursuite par équipes, décèdé à l’âge de 101 ans.
Le doyen mondial des champions olympiques avait disputé deux Tour de France, trois Tour d’Italie et sa plus belle… pic.twitter.com/PetKB7XhDv
— FranceOlympique (@FranceOlympique) November 2, 2025
„Со голема тага дознав за смртта на Шарл Кост, олимпискиот шампион од Лондон. На 101-годишна возраст, тој остави зад себе огромно спортско наследство“, рече Ферари во соопштението.
Пред Втората светска војна, тој се сметаше за еден од најперспективните француски велосипедисти, а по војната се врати во спортот, освојувајќи го националното првенство во 1947 година.
На Олимписките игри во Лондон следната година, тој освои злато во екипната потера, водејќи ја Франција до победи над Велика Британија во полуфиналето и Италија во финалето.
Од јануари 2025 година, по смртта на унгарската гимнастичарка Агнес Келети, Кост беше најстариот жив олимписки шампион.
Спорт
Играч проценет на 70 милиони евра добил закани со пиштол, уапсен неговиот менаџер
Познат играч на англиската Премиер лига, чија вредност се проценува на речиси 70 милиони евра, доживеал застрашувачки инцидент кога му се заканиле со пиштол во центарот на Лондон.
Фудбалерот, кој е во дваесеттите години, бил во друштво на пријатели кога нападот се случил на 6 септември доцна навечер, поради што била повикана полицијата, пишува „Сан“.
Поради инцидентот, 31-годишен фудбалски менаџер кој исто така застапува некои англиски репрезентативци, бил уапсен минатиот месец. Тој бил приведен под сомнение за закана со огнено оружје со намера да предизвика страв.
Осомничениот е под истрага и за наводна уцена и закани упатени кон пријател на фудбалер. Против него сè уште не се покренати обвиненија. Фудбалерот, чиј идентитет не може да се открие од правни причини, и неговиот пријател избегале од местото на настанот неповредени.
Само два дена по инцидентот, полицијата извршила рација во домот на менаџерот во Хартфордшир, вреден повеќе од два милиони евра. Тој бил ослободен со кауција на 9 септември, со строг услов да не смее да го контактира фудбалерот. Исто така, му било забрането да доаѓа во тренинг центарот на клубот.
„Ова беше застрашувачки инцидент кој испрати шокантни пораки во деловната страна на фудбалот. Играчот беше разбирливо потресен – заканата со оружје е шокантна. Тој веднаш пријави сè, што беше вистинската одлука за неговата безбедност. Тој има поддршка од своите пријатели и клубот и сите се надеваат дека ова нема да влијае на неговите игри. Но, ќе бидат поставени сериозни прашања за тоа зошто се случи ова и полицијата сега се обидува да најде одговори“, изјавил извор близок до истрагата.
На почетокот, на менаџерот му било забрането да патува во странство, но судијата одобри промена на условите за кауција минатиот месец. Како што се испостави, човекот побарал враќање на пасошот за да може да патува на претходно резервирани патувања. Тој ќе мора да го врати пасошот во полицијата по враќањето во земјата следниот месец. Полицијата потврди дека истрагата за целиот случај е во тек.
За вакцинација против сезонскиот грип досега пријавени над 76 илјади граѓани, почна и вакцинацијата со комерцијалните вакцини за 700 денари
Министерството за здравство информира дека за вакцинација против сезонскиот грип за ризичните категории населени досега се пријавени над 76 илјади...
(Видео) Мисајловски: Со освоени 54 општини и градот Скопје, ВМРО-ДПМНЕ е апсолутен победник на овие локални избори
Со освоени 54 општини и градот Скопје, ВМРО-ДПМНЕ е апсолутен победник на овие локални избори. А владината коалиција, на овие...
Претседателот на општинската организација на СДСМ во Ѓорче Петров поднесе оставка
Претседателот на општинската организација на СДСМ во Ѓорче Петров, Костадин Ацевски, поднесе оставка поради лошите резултати на локалните избори. Според...
Александар Стојкоски го доби уверението за втор мандат како градоначалник на општина Ѓорче Петров
Општинската изборна комисија денес официјално му го врачи уверението за избор на Александар Стојкоски за градоначалник на општина Ѓорче Петров,...
Глобален индекс на мирот 2025: Русија најнебезбедна земја во светот, Македонија на 51. место
Институтот за економија и мир (IEP) го објави својот годишен глобален индекс на мирот, сеопфатна анализа што рангира 163 земји...
Уапсен возач во Скопје: прегазил пешак и избегал од местото на несреќата
Вчера во 19:10 часот во СВР Скопје е пријавено дека на улицата „Димитрие Чуповски“ во Скопје, патничко возило „фолксваген тигуан“...
Во двор во семејна куќа во Битолско организирани борби со кучиња: поведена постапка против двајца
Основното јавно обвинителство Битола поведе постапка против две лица за кривично дело – Убивање и мачење животни од член 233...
„Влен“: Со еден глас Албанците го запечатија крајот на ерата на Ахмети!
„Изборите што ги нарекоа „референдум“ завршија како политички суд против оние што го држеа албанскиот народ како заложник 23 години...
(Видео) Најмалку 20 мртви, а повеќе од 150 повредени во силниот земјотрес во Авганистан
Земјотрес со јачина од 6,3 степени го погоди северниот авганистански град Мазар-е Шариф рано наутро во понеделник, при што загинаа...
Брнабиќ: Поранешниот претседател на Србија, несреќа од човек, повикува на граѓанска војна
Претседателката на српското Собрание, Ана Брнабиќ, остро го критикуваше поранешниот српски претседател Борис Тадиќ откако тој ги повика граѓаните да...
Обвинител: Грабежот во „Лувр“ е дело на ситни криминалци, а не на професионалци
Спектакуларната кражба на накит од 88,4 милиони евра во музејот Лувр минатиот месец не е дело на професионални крадци во...
Трамп: Не размислувам да испратам ракети „томахавк“ во Украина
Американскиот претседател Доналд Трамп изјави дека всушност не размислува да ѝ даде на Украина крстосувачки ракети „Томахавк“ со долг дострел....
(Видео) Мециновиќ до гласачите на СДСМ: Браната е пукната и ние сме вашата опција, затоа што Левица е опозицијата на ВМРО-ДПМНЕ
Во изминатите два месеци постигнавме нешто што не можевме да го замислиме. Во создавањето на ова движење, во овие 60...
(Видео) Фатмир Дехари падна од народот кој се обедини против раскалашеноста и недомаќинското работење, рече Мицкоски за победата во Кичево
Премиерот и лидер на ВМРО – ДПМНЕ, Христијан Мицкоски, вечерва многу порано отколку во првиот круг прогласи голема победа на...
Орце Ѓорѓиевски: Скопје е ослободено!
Кандидатот на ВМРО-ДПМНЕ за градоначалник на Град Скопје, Орце Ѓорѓиевски, ја слави победата на денешните избори. Тој вели дека вечерва...
(Видео) Герасимовски: Центар што го сакаме е победнички и во сигурни раце
Кандидатот за градоначалник на Општина Центар од редовите на СДСМ Горан Герасимовски, вечерва во изјава за медиумите потенцираше дека денеска...
(Видео) Победата на Орце Ѓорѓиевски се слави пред Белата палата
Победата на кандидатот на ВМРО-ДПМНЕ за градоначалник на Скопје, Орце Ѓорѓиевски се слави пред Белата палата. Од обработени 97,69% досега,...
(Видео) Филипче: Покрај освоените три градоначалнички места во првиот круг, имаме победа уште во три
Претседателот на СДСМ, Венко Филипче вечерва на прес-конференција им честиташе на граѓаните за достоинственото гласање на вториот круг на изборите....
Митески: Голема победа во Аеродром со 18 илјади гласа
Кандидатот за градоначалник на Аеродром, од редовите на ВМРО-ДПМНЕ, Дејан Митески упати благодарност за можноста да ја води општината во...
Тошковски ги оцени изборите како најмирни во последните години: Во цела држава имаше 30 пријави, во најголем дел наводите не беа потврдени
Денеска, како во првиот круг од локалните избори, можеме со гордост да констатираме дека и вториот круг помина во исклучително...
