Црна хроника
Невооружен разбојник се заблагодари по грабеж на банка
Невооружен разбојник испеал да ограби банка во австриската престолнина Виена и пристојно им се заблагодарил на службениците пред да исчезне со пленот.
Мажот на возраст од околу 40 до 45 година, невооружен, околу пладне во понеделникот ограбил банка во виенскиот кварт Отакринг, ги ставил парите во пластична кесичка, се заблагодарил и мирно се упатил во насока на центарот на главниот град на Австрија. Брзото пребарување на областа од страна на полицијата не дало резултат.
Според портпаролката на виенската полиција, разбојникот „вербално нападнал“ службеник на благајната со зборовите „Ова е грабеж, дај ги парите“, кој потоа му ги дал бараните пари. Во времето на грабежот во експозитурата на банката чие име не е наведено, се наоѓале тројца службеници и две странки.
Виенската полиција трага по лице високо меѓу 170 и 175 сантиметри коешто зборувало „германски со странски акцент, со темна капа и за информации за него нуди награда од две илјади евра. Не се соопштува, исто така, ниту сумат којашто е одземена./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.