Скопската полиција во саботата информираше дека го расчистила случајот од 14 октомври, во кој патник нападна таксист, при што го гризел за раката и рамото, предизвикал сообраќајка и го ограбил возачот.

Станува збор за  М.Н. (23) од Куманово, против кого е поднесена кривична пријава поради основано сомнение дека сторил кривично дело “разбојништво. Инцидентот беше регистриран пред околу две недели, кога патникот се качил во таксито во во вечерни часови кај Железничката станица во Скопје. Кога стигнале на улица македонско-косовска бригада во скопската населба Топаанско поле патникот му се нафрлил на таксистот, го удирал и почнал да му се заканува дека ќе извади пиштол. Почнал да го гризе за десната рака и рамото. Возачот излетал од патот и удрил во металната ограда, а потоа удрил во дрво. Разбојникот успеал да му украде златно синџирче и избегал. Возачот бил пренесен во болница со телесни повреди. Напаѓачот и претходно бил евидентиран во полицијата за сторени дела сторени повеќе кривични дела „Тешки кражби“ и „Кражби“. /крај/со/ап/