Црна хроника
Азманов го знаел Тушевски како рекетар кој му изнудувал пари

Бизнисменот Зоран Азманов во понеделник сведочеше во случајот Ровер, во којшто му се суди на поранешниот министер за внатрешни работи Љубе Бошкоски за вмешаност во убиството на Марјан Тушевски и Киро Јанев во 2001 година.
Азманов го знаел Тушевски како рекетар кој изнудувал пари. Се претставувал како припадник на армиската специјална единица „Волци“, близок човек на поранешната министерка за внатрешни работи, Доста Димовска, претседателот Борис Трајковски и на тогашниот министер за внатрешни работи, Љубе Бошкоски. На двапати му барал пари на Азманов, за како што велел „македонската кауза“.
Вториот пат кога, Азманов одбил да му даде пари, Тушевски му вперил пиштол.
Азманов се имал сретнато со Орце Коруновски, кој според обвинението добил одобрение од Бошкоски да го убие Тушевски. Наводно Коруновски сам му се понудил да изврши наплата за извесен договор кој какао што рече никогаш не го реализирал.
Азманов ги негираше тврдењата на претходниот сведок, Александар Василевски Нинџа, дека Тушевски и Бошкоски се скарале за пари што како отштета за палење на магацините на скопскиот бизнисмен Зоран Азманов требало да ги добие Тушевски.
Во случајот„ Ровер“ им се суди на 15 лица кои се товарат за убиство и помагање во убиството на Тушевски и Јанев во 2001 година. Првите четворица, кои се осомничени дека се извршители се во бегство./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Кривична за полицаец од Скопско: возел со 1,65 промили алкохол во крвта, на полна линија му го пресекол патот на друг возач

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство Скопје, поднесе кривична пријава против Л.Д.(26) од с.Зелениково, скопско, поради постоење основи на сомнение за сторено кривично дело „безобѕирно управување со моторно возило“ по член 297-а од Кривичниот законик.
Пријавениот Л.Д.- полициски службеник во Сектор за известување и координација на состојби во МВР, на 21.04.2025 на подрачје на Кисела Вода во Скопје, пријавениот управувал возило со 1,65 промили алкохол во крвта и поминувајќи на полна линија го пресекол патот на друго патничко возило и на тој начин ја загрозил личната и безбедноста на возачот и патниците од другото возило. А откако запреле тој упатувал закани на другиот возач и удирал по неговотот возило.
Одделот за внатрешна контрола, криминалистички истраги и професионални стандарди против полицискиот службеник Л.Д. поднесе предлог за поведување на постапка за утврдување на одговорност за кршење на работната дисциплина.
Црна хроника
Тешко повреден велосипедист од Штип: во него удрил мопед и побегнал

Ноќеска околу 20.00 часот во СВР Штип било пријавено дека на магистралниот пат Радовиш-Штип се случила сообраќајна несреќа помеѓу велосипед управуван од Д.Т.(40) од Штип и мопед, по што возачот со мопедот го напуштил местото на настанот.
Со тешки телесни повреди се здобил велосипедистот, констатирани во Клиничката болница Штип.
Извршен бил увид од увидна екипа од СВР Штип и се преземаат мерки за расчистување на случајот.
Црна хроника
Прегазена 68-годишна жена од Скопје

Во СВР Скопје синоќа околу 19.15 часот било пријавено дека на ул.„Лука Геров“ во Скопје, патничко возило „ауди“ со скопски регистарски ознаки, управувано од В.Б.(70) од Скопје, удрило во пешакот М.С.(68) од с.Волково, скопско.
Во несреќата со тешки телесни повреди се здобила М.С., констатирани во Градската општа болница „Св.Наум Охридски“.
Извршен бил увид од увидна екипа од СВР Скопје.