Кипарскиот претседател Никос Анастасиадес изјави дека преговара со владата на Руската Федерација за на руските воени бродови и авиони да им се овозможи користење на кипарските аеродроми и пристаништа во случај на хуманитарни операции или вонредни ситуации, пренесуваат во средата европските медиуми.

Кипарскиот претседател Никос Анастасиаедес во интервјуто за руската агенција ТАСС претходно изјави дека двете страни водата „дијалог за да ги истражат дополнителните можности кои би можеле да и’ се понудат на Русија во случај на хуманитарни операции и вонредни ситуации“. Потсети ќе дела во остатокот од овој месец и тоа прашање, меѓу другото, тогаш ќе бидат на дневен ред.

Кипарската влада во јануари, според пишувањето на тамошните медиуми, усвоила нацрт договор кој им овозможува на руските бродови и авиони да ги користат аеродромите и пристаништата на Кипар.

Неколку медиуми, покрај тоа, напишаа дека Кипар, кој е членка на Европската унија и на НАТО, на Русија и’ ги нуди и своите воени бази

Кипарскиот министер за надворешни работи Јоанис Касулидес тоа решително го негираше. Истакна дека Кипар ги нуди објектите од чисто хуманитарен а не воен карактер.

„Не станува збор за кипарската воена база ’Андреас Папандреу’. Станува збор за евакуација на руските државјани во случај на војна на Блискиот исток, исто како што Кипар има низа договори со други земји со истата цел“, изјави Касулидес во Брисел, пренесува EurActiv.

Појасни дека договорот за воена соработка меѓу Кипар и Русија, кој се однесува на набавката на резервни делови и одржувањето на вооружувањето, истекол во декември и дека треба да биде обновен. Кипар, рекол Касулидес, има потреба од таков договор, бидејќи поради ембаргото не може да набавува оружје освен од Франција и Русија.

Велика Британија, како што пишуваат грчките и турските медиуми, е незадоволна од најавата за соработката меѓу Русија и Кипар. Лондон, имено, на поделениот остров во Медитеранот користи две воени бази, врз основа да договорот од 1960 година. Британскиот амбасадор на Кипар, Демиен Роберик Тод порача дека Никозија мора да го почитува ставот на ЕУ кон Русија во поглед на кризата во Украина.

Претседателот Анастасиадес на тоа одговори дека британскиот амбасадор „не би требало да дава неосновани изјави“. „Постои стар одбранбен договор, кој треба да биде обновен. Истовремено, некои дополнителни услуги ќе се нудат на ист начин како и за другите земји, како, на пример, за Франција и Германија, Кипар и Русија традиционално имаат добри односи и тоа нема да се промени“, рече.

Новиот грчки премиер Алексис Ципрас кој го посети Кипар на 2-ри февруари, изјави дека Грција и Кипар би можеле да бидат мост меѓу Европа и Русија./крај/мф/сн

Извор: Макфакс