Спорт
Слаломот на Бергвајн, па пеналот на Фернандеш – Спарси и Јунајтед поделија по бод (видео)
Големото англиско дерби меѓу лондонски Тотенхем и Манчестер Јунајтед заврши без победник 1-1. Мечот се играше без публика, но љубителите на фудбалот на малите екрани можеа да видат по еден гол во двете полувремиња. Сепак, „ѓаволите“ имаат повеќе причини за што да жалат.
Во првиот дел Тотенхем беше поконкретен и благодарение на одличниот продор на Бергвајн во 27 минута, на што кумуваше и лоша реакција на голманот Давид Де Геа, „петлите“ дојдоа до предност.
Иако Мурињо играта ја имаше поставено пред се во дефанзива, сепак тоа во првиот дел му донесе резултат.
Во првите 45 минути, најсериозната шанса во гостинскиот табор ја имаше Рашфорд во 30 минута.
Во вториот дел сличен развој на настаните. Пол Погба кој влезе како резерва, во 80 минута имаше продор кон голот покрај корнер-линијата, по што беше соборен од Диер.
Судијата Мајкл Оливер покажа на белата точка, а сигурен реализатор за 1-1 беше Португалецот Бруно Фернандеш.
Во последните моменти од мечот судијата досуди уште еден пенал за „ѓаволите“, но по консултација на ВАР-технологијата, ја промени одлуката.
Јунајтед извлече бод во Лондон, но сепак заостанува значително зад тимот на Челси.
Тотенхем останува на осмата позиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Карагер со порака за Касемиро: Време е за Саудиска Арабија
Манчестер јунајтед „благодарение“, Касемиро, синоќа доживеа тежок пораз на „Селхурст парк“ од Кристал Палас. Бразилецот беше виновен за два од четири гола што ги постигнаа фудабалерите на Кристал Палас.
Англиските и шпанските медиуми, ден по натпреварот пишуваат за срамната партија на Касемиро, кој делуваше изгубено на теренот во улога на стопер. Поранешниот капитен на ливерпул, Џејми Карагер, во улога на стручен коментатаор испрати јасна порака до Бразилецот.
„На полувремето реков дека Тен Хаг треба да го замени. Мислам дека по ова Касемиро како искусен играч треба да знае дека му преостануваат уште три натпревари на ова ниво. Следните два во Премиер лигата и финалето во ФА Купот“, рече Карагер и додаде.
„Знам дека Касемиро постигна толку многу во кариерата, многу повеќе од мене. Но, тој е готов. Да бев негов менаџер, ќе го фатеф телефонот и ќе вртев во Саудиска Арабија или Америка“.
Касемиро беше издриблан осум пати, најмногу од сите играчи во англискиот шампионат оваа сезона.
Карагер за Касемиро изјави дека бил еден од најдобрите играчи од средниот ред во своето време додека играл во Реал, но и дека се има свој крај.
„Кога јас се пензионирав, важеше изреката „остави го фудбалот пред тој да те остави фудбалот“. Фудбалот го напушти, не е на нивото кое го бара Премиер лигата, мислам дека треба да замине“, рече Карагер.
Касемиро во Манчестер јунајтед пристигна рпед две сезони од Реал за 70 милиони евра. Договорот со „црвените ѓаволи“ му истекува за две години.
Спорт
Червар за Сигурдсон: За разлика од него, јас со Јапонија би се борел за злато на ОИ
Червар за Сигурдсон: За разлика од него, јас со Јапонија би се борел за злато на Олимпијадата
Легендарниот хрватски тренер, Лино Червар за „Спортклуб“, зборуваше новиот селектор на репрезентацијата на Хрватска, Исланѓанецот Дагур Сигурдсон.
Поранешниот тренер на Металург и македонската репрезнетација не е премногу инпресиониран од Сигурдсон, иако Исланѓанецот успеа да ја однесе Хрватска на Олимписките игри во Париз.
„Во нормални услови јас би се борел за олимпиското злато со Јапонија“, изјави Червар, алудирајќи на тоа дека Сигурдсон беше селектор на Јапонија пред да дојде во Хрватска.
Червар додаде дека Сигурдсон не му е конкурент бидејќи тој повеќе не е заинтересиран за клупата на хрватската репрезентација.
Да потсетиме, хрватските ракометари под водство на новиот селектор Дагур Сигурдсон се пласираа на Олимписките игри во Париз. За Сигурдсон ќе биде третпат да води репрезентација на Олимписките игри, со Германија освои бронза во 2016 година, а со Јапонија настапи на Игрите во Токио пред три години.
Спорт
(Видео) Вембањама едногласно избран за дебитант на годината
Виктор Вембањама (20) е добитник на трофејот Вилт Чембрлен, награда која се доделува на најдобриот дебитант во НБА.
Центарот на Сан Антонио Спарс стана првиот француски кошаркар со оваа награда, но и прв по Карл-Ентони Таунс од сезоната 2015/16, кој едногласно беше избран за дебитант на годината.
Сите 99 новинари кои гласаа во овој избор, својот глас му го дадоа на 224 сантиметри високиот Вембањама. Второто место во овој избор му припадна на Чет Холмгрен од Оклахома сити тандер. Еден новинар го рангираше на третото место, а 98 го рангираше на второто место. Трет беше Брендом Милер од Шарлот Хорнетс, со еден глас на второто и 83 на третото место.
Вембањама ги предводеше дебитантите во поени (21,4), скокови (10,6), блокади (3,6) и беше втор по украдени топки (1,2) и четврти по асистенции (3,9). Со просек од 3,6 блокади по натпревар, тој беше и најдобар блокер во НБА.
Тој е третиот играч на Сан Антонио Спарс добитник на награта дебитант на годината. Наградата која се доделува од сезоната 1952/53, во дресот на Спарс ја добија легендите на франшизата, Дејвид Робинсон (1989/90) и Тим Данкан (1997/98).
Инаку, Спарс ја завршија сезоната со 22 победи и 60 порази.