Црна хроника
Скопјанец осомничен за превезување лажни азиланти
Триесетдневен притвор и кривична пријава за сторено кривично дело „Злоупотреба на безвизниот режим со државите членки на европската унија и шенгенскиот договор“ заработи 34-годишниот скопјанец С.М.
Тој, на две семејства од скопско Инџиково и од Шуто Оризари им ветил дека за 1.800 евра ќе ги пренесе до Германија, каде би побарале азил. За услугата им наплатил 200, односно 350 евра.
Но, со цел да го избегне сомнежот на полицијата, тој се поврзал со непознато лице од Горно Блаце, чија задача било илегално да ги пренесе лажните азиланти на косовска територија, од каде осомничениот би ги превзел и би заминале во Германија.
„Планот за да го сторат тоа, а да не бидат откриени од полицијата, бил осомничениот да се поврзе со засега непознато лице од село Горно Блаце кој и претходно вршел слични кривични дела и кој добро го познава теренот, лицето од Горно Блаце да ги преземе членовите на двете семејства, илегално да ги пренесе на косовска територија, додека осомничениот планирал со празно возило планирал да ја помине границата и на Косово да ги превземе членовите на двете семејства“, објаснува Иво Котевски, портпарол на МВР.
Скопјанецот е уапсен на 14 октомври, при обидот со комбе преку граничниот премин „Блаце“ да замине на Косово. Иако комбето било без патници, во него се пронајдени багаж и лични документи од повеќе лица. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.