Отсекот за компјутерски криминал при СВР Битола поднесе кривична пријава против З.И.(45) од с.Горно Крушје, Ресенско, поради постоење основи на сомнение за сторено кривично дело загрозување на сигурноста.

На 28.6.2020 пријавениот креирал лажен профил на „Фејсбук“ од кој на официјалниот фејсбук-профил на туристичка агенција од Битола, која е овластен превозник на вработени во фирма во Битола, испратил порака со заканувачка содржина дека на комбињата и автобусите има поставени бомби, кои ќе се активираат кога ќе пристигнат пред фабриката, заедно со вработените во агенцијата.

По неколку минути, истата порака ја поставил на фејсбук-профилот на агенцијата.

Слични пораки со заканувачка содржина, од лажно креирани профили, пријавениот повеќе пати им испраќал и на одговорни лица во фирмата каде што претходно работел, а во знак на револт за добиениот отказ.

Двајцата соизвршители, 33-годишен охриѓанец и 31-годишен скопјанец, ќе одговараат за самовластие.

Тие на 29 јуни со возило пристигнале пред домот на оштетениот. Кога го забележале, го повикале да влезе во автомобилот, па без негово знаење се упатиле кон парк-шумата во Гази Баба, Скопје. По пристигнувањето, обвинетите физички го нападнале оштетениот удирајќи го со гумена палка по телото, барајќи од него да го врати долгот од 6.000 евра што тој го имал кон првообвинетиот. По извесно време, двајцата обвинети соизвршители го внеле оштетениот во возилото и го однеле во неговиот стан, кој како гаранција за земените пари оштетениот му го предал во владение на првообвинетиот.

Во станот обвинетите лица продолжиле да го удираат оштетениот заканувајќи му се дека доколку не ги врати парите, ќе го запалат заедно со неговиот стан. Од нанесените удари оштетениот добил видливи повреди и подливи по телото.

Скопското Обвинителство поднесе обвинение против 42-годишен скопјанец, кој крадел икони од црквата „Света Петка Исконска“.

Обвинителството му предложи на судот на обвинетиот да му ја продолжи веќе определената мерка притвор бидејќи постои опасност од бегство.

„Обвинетиот го сторил кривичното дело на 8 јули 2020 година во 22 часот кога, провалувајќи, влегол во внатрешноста на црквата ‘Св. Петка Исконска’, сопственост на МПЦ – Скопска епархија, на начин што со употреба на погоден тврд предмет го отворил прозорот на црквата. Тој со намера противправно да ги присвои, одзел икона од света Петка Исконска, икона од свети Климент, икона од света Петка, икона од свети Нектарија Египски и икона од свети Илија“, велат од Обвинителството.

Кога ги одзел иконите, во вкупна вредност од 61.500,00 денари, обвинетиот го напуштил местото на настанот.