Црна хроника
Притворен 28-годишен педофил

Полицијата поднесе кривична пријава против 28-годишниот скопјанец И.Г., осомничен за „полов напад врз малолетник кој не наполнил 14 години во обид“ и „полов напад врз малолетник кој не наполнил 14 години“.
Скопјанецот на 2-ри ноември минатата година на улицата „Максим Горки“ во близина на плоштадот Македонија, пресретнал и застанал единаесетгодишно дете од Скопје, откако претходно го следел, го фатил и тегнел за рака притоа сакајќи да ја одведе во зграда на темно место на вториот кат. Во еден момент се обидел да го соблече и допира по телото по што детето успеало да се ослободи и побегнало во објект во кој е сместена туристичка агенција каде побарало помош од вработениот, барајќи истиот да се јави кај нејзиниот татко. Пријавениот влегол во објектот и кога видел дека детето објаснува, истиот му се обратил на вработениот дека ништо лошо не направил, туку само побарал детето да му покаже некоја зграда во близина, по што си заминал.
Од страна на таткото на детето настанот е пријавен во МВР, а детето извршило препознавање по фотографии и го препознало И.Г. како сторител на кривичното дело.
Во вториот случај, на 21-ви јануари, околу 12:30 часот на улицата „Никола Парапунов“ во паркот пред зграда бр.2 И.Г. пресретнал десетгодишно дете од Скопје и откако ја прашал дали знае каде е зграда бр. 9 во еден момент ја фатил за рака и под пазувите со намера да ја внесе во влезот од зградата. Детето му се спротивставило и го молело да ја пушти, на што И.Г. и рекол дека е извалкана на панталоните и почнал да ја допира за бутините, и ги соблекол панталоните и почнал да ја допира, но во еден момент детето успеало да му се отргне и да избега дома каде се сокрило во својата соба, а потоа за настанот кажала на својата мајка.
Настанот е пријавен од таткото на детето и воедно е извршено препознавање од фотодокументацијата, при што детето го препознало И.Г. како извршител на кривичното дело.
Полицијата испитува дали И.Г. е поврзан и со други слични дела.
Во извршената проверка во крим.евиденцијата на СВР-Скопје лицето И.Г. минува за сторени кривични дела: „полов напад врз малолетник кој не наполнил 14 години“, „силување во обид“ и „загрозување со опасно орудие при тепачка или караница“.
На пријавениот одредена му е мерка притвор во траење од 30 дена. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Уапсен пијан возач во Дебарско, возел со 2,69 промила алкохол во крвта

Полицијата уапси пијан возач од дебарско кој возел со 2,69 промили алкохол во крвта.
Според информациите на МВР, вчера во 12.40 часот, полициски службеници го лишиле од слобода Џ.Е.(54) од с.Џепиште, дебарско. При контрола во патниот сообраќај, полициските службеници сопреле патничко возило „форд“ со дебарски регистарски ознаки, кое го управувал и по преземени мерки било констатирано дека е под дејство на алкохол, односно дека има 2,69 промили алкохол во крвта.
Тој бил исклучен од сообраќај и задржан во полициска станица, а по целосно документирање на настанот против него ќе биде поднесена пријава по член 297-а од Кривичниот законик – „безобѕирно управување со моторно возило“.
Црна хроника
Тешко повредено деветгодишно девојче од Радовиш: го удрил мопед управуван од пијан возач

Вчера во 17.30 часот во Радовиш, полициски службеници од ОВР Радовиш го привеле Б.З.(40) од Радовиш.
Во 14.45 часот на крстосница од ул.„Плачковица“ и ул.„Мирче Ацев“ во Радовиш, управувајќи мопед „томос“ со 2,02 промили алкохол во крвта, тој удрил во деветгодишно девојче од Радовиш, која се здобила со тешки телесни повреди, констатирани во Итна медицинска помош Радовиш.
Лицето било задржано во полициска станица, а увид извршила увидна екипа на ОВР Радовиш.
По целосно документирање на случајот, против него ќе биде поднесена соодветна пријава, соопшти полицијата.
Црна хроника
Кривична за полицаец од Скопско: возел со 1,65 промили алкохол во крвта, на полна линија му го пресекол патот на друг возач

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство Скопје, поднесе кривична пријава против Л.Д.(26) од с.Зелениково, скопско, поради постоење основи на сомнение за сторено кривично дело „безобѕирно управување со моторно возило“ по член 297-а од Кривичниот законик.
Пријавениот Л.Д.- полициски службеник во Сектор за известување и координација на состојби во МВР, на 21.04.2025 на подрачје на Кисела Вода во Скопје, пријавениот управувал возило со 1,65 промили алкохол во крвта и поминувајќи на полна линија го пресекол патот на друго патничко возило и на тој начин ја загрозил личната и безбедноста на возачот и патниците од другото возило. А откако запреле тој упатувал закани на другиот возач и удирал по неговотот возило.
Одделот за внатрешна контрола, криминалистички истраги и професионални стандарди против полицискиот службеник Л.Д. поднесе предлог за поведување на постапка за утврдување на одговорност за кршење на работната дисциплина.