Црна хроника
Италијанци се обидел да прошверцуваат 12 кг марихуана на Ќафасан
Царинските службеници на граничниот премин Ќафасан спречија обид за влез на 12 кг марихуана од страна на италијански државјани, соопшти во саботата на Царинската управа на Македонија.
Во петокот попладне, за влез во државата се пријави автомобил Алфа Ромео со италијански регистарски таблички, управувано од италијански државјанин со иницијали Р.Н. (45) кој патувал заедно со уште еден италијански државјанин со иницијали В.М. (32). На прашање на царинскиот службеник дали имаат нешто да пријават за царинење, лицата одговориле негативно додавајќи дека одат на одмор во Македонија, а потоа и во Бугарија.Царинскиот службеник одлучил да изврши рутинска контрола и во моментот кога ја отворил задната врата на возилото почувствувал необичен мирис, поради што веднаш одлучил да изврши детален преглед на патниците и на возилото. Притоа, на различни места во возилото (во багажниот простор, под задната шофершајбна, во двете предни поткрила, позади задното седиште, во предната внатрешната конзола помеѓу менувачот и вентилацијата, како и во просторот под хаубата во делот за вентилација под предната шофершајбна пронајдени се вкупно 24 пакувања со растителна тревкаста материја со зелена боја, облепени со алуминиумска фолија, најлон и самолеплива лента за која со тестирање за дрога е утврдено дека станува збор за марихуана, во вкупна количина од околу 12 кг. Сторителите и марихуаната беа предадени на царински инспектори од Одделението за истраги заради превземање на понатамошни предистражни дејстивија. Од спроведената предистражна постапка, собрани се докази кои укажуваат дека осомничените заедно со уште едно лице, албански државјанин, на 08.05.2013 на аеродромот во Тирана се запознале со тројца албански државјани кои им понудиле да им продадат марихуана. Откако ја прифатиле понудата, заедно со новите познаници се упатиле кон некое планинско место оддалечено на половина час од Елбасан каде ја набавиле дрогата и ја сокриле во возилото. Осомничените имале намера преку Македонија, Србија, Хрватска и Словенија повторно да се вратат во Италија и таму да ја продаваат марихуаната, но при обидот биле откриени од страна на царинските службеници.Марихуана со ваков квалитет во големопродажба на нарко пазарите во Европа би достигнала цена во износ од околу 30 илјади евра, но доколку би се продавала на мало и до 100 илјади евра. Против сторителите, Царинската управа поднесе кривична пријава за сторено кривично дело „Неовластено производство и пуштање во промет на наркотични дроги, психотропни супстанции и прекурсори“, а сторителите се изведен пред надлежен истражен судија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.
Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.
Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.
Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.
Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.
Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.
Топ
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење основи на сомнение за сторени 4 кривични дела „одземање на моторно возило“, од кои три на подрачјето на скопски Центар и едно на подрачјето на општина Аеродром, како и против Ф.Љ.(22) од Скопје, поради постоење основи на сомнение за сторено кривични дело „помагање“.
Имено, првопријавениот кривичните дела ги извршил во последните два месеца, така што со употреба на физичка сила и погоден алат ги отворал бравите од возилата, ги одземал возилата и ги предавал на второпријавениот, каде што возилата биле расклопувани и продавани за делови.
Полициски службеници со судска наредба извршиле претрес на локација, сопственост на Ф.Љ., каде биле пронајдени поголема количина делови од возила кои потекнуваат од кривичните дела. Известен бил Јавен обвинител, а од страна на Судија на претходна постапка на Ш.Н. му е одредена мерка притвор.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.