Шеснаесетгодишен жител на скопското село Арачиново е осомничен дека со нож го нападнал и се обидел да убие 17-годишнико во центарот на Скопје.

По расчистување на настанот кој се одигра на 3-ти октомври околу 18.45 часот на автобуската постојка на булеварот „Крсте Мисирков“ пред стоковната куќа „26-ти Јули“, во централниот подрачје на Скопје, скопската полиција против 16-годшиникот идентификуван со иницијалите Б.Ј., поднесе кривична пријава за дело „убиство во обид“, поради тоа што имајќи намера да го убие 17-годишниот К.Б.

Пред инцидентот, избоденото момче на спомената постојка со уште тројца свои врсници се симнале од автобусот бр.9, а кон нив веднаш пришла група момчиња на возраст од 16 до 17 години во која бил и сега осомничениот, по што тие веднаш се дале во бегство. Меѓутоа, осомничениот успеал да го стигне К.Б и да му зададе пет убодни рани со нож во грбот. Сепак, нападнатиот успеал да избега кон автобуската станица пред Универзитетот „св. Кирил и Методиј“, двестотини метри од местото на инцидентот, по што откако почувствувал силно болки во грбот придружуван од еден од пријателите со такси возило се упатил во Ургентниот центар при Клинички центар Скопје каде што е примен и е задржан за натамошно лекување.

Осомничениот веднаш по нападот со неговата група пријатели побегнал кон пазарот од спротивната стреана на булеварот.

Лекарите од КАРИЛ при Клиничкиот центар констатирале дека повредениот се здобил се сериозни работи, и тоа убодна рана во пределот на десниот граден кош странично со пробив на белодробното крило, убодна рана во пределот на десната надлактицата, убодна рана во пределот на вратот меѓу двете лопатки, и две убодни рани во левата лопатка во пределот на грбот, кои се карактеризираше како „тешки телесни повреди “. Нападнатото момче не е во животна опасност, но е задржано на КАРИЛ за натамошно лекување.

По разговорите со момчињата од групата во којашто бил нападнатиот и по препознавањето на фотографиите од страна на една од нивните пријателки, во петокот, 12-ти октомври, во полициската станица Кисела Вода бил приведен осомничениот Б.Ј., кои инаку до претходно е регистриран во криминалистичката евиденција за две кривични дела „насилство“./крај/мф/сн