Европа
Москва: Изборите во Украина се шанса за мирот, опасност се националистите
Вонредните парламентарни избори во Украина даваат шанса за мирот во југоисточните рускојазични региони, оцени во понеделникот заменикот на рускиот министер за надворешни работи и истовремено предупреди дека националистичките пратеници би можеле да го поткопаат тој процес, пренесуваат агенциите.
Вонредните парламентарни избори во Украина даваат шанса за мирот во југоисточните рускојазични региони, оцени во понеделникот заменикот на рускиот министер за надворешни работи и истовремено предупреди дека националистичките пратеници би можеле да го поткопаат тој процес, пренесуваат агенциите.
Прелиминарните резултатите покажуваат дека во водство се партиите коишто по соборувањето на претседателот Виктор Јанукович во февруари се декларираа како прозападни, во услови кога не се гласаше на црноморскиот полуостров Крим каде што по револуцијата во Киев во март руската етничка мнозинска заедница преку рефереднум се присоедини на руската Федерација, како и минималниот одѕив на гласачите во источните региони Донецк и Луганск каде што од јули се спроведува воената операција на украинските сили за враќање под контрола на одметнатите рускојазични области во која загинаа над 3.700 луѓе. „Партиите коишто заговараат мирољубиво решение на внатрешната криза во Украина освоија мнозинство. Тоа има дава нова шанса да се вратат на договорот од Минск“, изјави заменикот на шефот на руската дипломатија Григориј Карасин, споменувајќи го договорот од 5-ти септември постигнат на преговорите на Контактната група за Украина, меѓу претставниците на Киев и проруските бунтовници, со медијаторство на ОБСЕ, пренесува РИА Новости.„Фактот дека отворено националистичките и шовинистички сили добија значителна поддршка и ќе бидат застапени во Врховната Рада (парламентот) создава дополнителна закана дека повторно ќе се слушнат повиците за употреба на сила и крвопролевање“, истакна Карасин оценувајќи го тоа како „извонредно опасно“. Според податоците што ги објави украинската Централна изборна комисија во понеделникот напладне по пребројувањето на 55,28 отсто од избирачкиот материјал, во водство се наоѓа партијата Народен фронт на премиерот Арсениј Јаценјук, кој ја напушти порано најголемата опозициска партија Баткивштина (Татковина) на поранешната премиерка Јулија Тимошенко е во водство со 21,6 отсто, а веднаш зад неа е блокот поддржан од претседателот Петро Порошенко со 21,45 отсто од гласовите. Според моменталните резултатите, во украинскиот парламент влегуваат уште четири партии кои го имаат минато прагот од 5 проценти, и тоа Самопомош на градоначалник на Л’вов Андриј Садов со 11,2 отсто, Опозицискиот блок во којашто влегуваат повеќе поранешни видни членови на Партијата на регионите на соборениот претседател Јанукович со 9,79 проценти, Радикалната партија на Олег Лјашко со 7,34 отсто, и Баткивштина на поранешната премиерка Јулија Тимошенко со освоени 5,65 отсто од гласовите.Меѓутоа, само еден ден од одржувањето на изборите во источните региони повторно избувнаа судирите. Проруските бунтовници изминатите денови предупредуваа дека украинската армија го користи примирјето да донесе нови засилувања во населбите во близина на најголемото бунтовничко упориште Донецк, и дека се подготвуваат за нова офанзива. Во понеделникот во околината на Донецк агенциите известуваат дека се слушаа артилериски оган од ракетните системи „Град“, а повторно најжестоки судири се воделе кај населбата Путиловска, во околината на аеродромот кој делумно е под контрола на силите лојални на Киев.. Агенцијата AFP извести дека се слушаат споредични престрелки и во близина на градот Мариопул, на брегот на Азовското Море, Овој доминантно рускојазичен пристанишен град од почетокот на воената операција во април е заземен од Националната гарда на Украина, но во контраофанзивата на проруските сили од јуни се најде на самиот раб од фронтот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.