Црна хроника
Двајца Албанци, еден македонски државјанин и Србин го организирале шверцот на марихуаната
Двајца албански државјани, еден македонски и еден српски државјанин го организирале шверцот на 152 килограми марихуана којашто беше запленета во струшко.
Станува збор за албанските државјани Алберт Лимај, Фелим Стратај, македонскиот државјанин Абдула Рамадани и српскиот државјанин Драган Пуповац.
Двајцата албански државјани изминативе месеци ја купиле марихуаната од засега непознати лица од Албанија и ја спакувале во 47 пакувања и ја сместиле во четири големи платнени торби кои ги транспортирале од Албанија во Македонија.
Марихуаната му ја продале на македонскиот државјанин кој требало да ја транспортира во Србија и да му ја продаде на Србинот за 1.000 евра од килограм.
Завчера албанските државјани со автомобил марка „мерцедес“ влегле во Македонија преку граничниот премин „Ќафасан“ и се сретнале со македонскиот државјанин.
Тој тргнал со комбе марка „мерцедес“ на магистралниот пат Струга – Ќафасан во селото Мали Влај и ги зел четирите торби во кои била спакувана марихуаната.
Торбите ги ставил во товарниот простор на возилото и се упатил кон Струга, а потоа кон Скопје. За цело време пред него возеле албанските државјани во улога на „чистачи“.
Комбето било запрено завчера вечерта на магистралниот пат Струга – Охрид и при претресот била најдена дрогата, а македонскиот државјанин бил приведен. Албанските државјани биле приведени на магистралниот пат Охрид – Кичево во близина на село Другово. Истражен судија на сите тројца им одредил 30-дневен притвор, а по Србинот се уште се трага.
Дрогата од Албанија, преку Македонија требало да биде пренесена во Србија за понатамошен транспорт во западноевропските земји. Марихуаната била висококвалитетна, на нарко пазарот позната како сканк.
Во последните десет дена полицијата заплени над 660 килограми марихуана и хероин додека годинава биле запленети вкупно 850 килограми различен вид на дрога./крај/мвр/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.