Црна хроника
Македонец уапсен за меѓународен компјутерски криминал
Македонец е уапсен во меѓународна операција за разбивање на меѓународен компјутерски криминал во кој можеше да биде нанесена штета од 500 милиони фунти.
При претрес во неговиот дом одземен е компјутерот кој дополнително ќе се вештачи по што ќе следува соодветна пријава. Според досегашните сознанија, улогата на македонскиот државјанин била да оперира со една од интернет страниците на кои биле нудени и препродавани украдените податоци од кредитни картички, за што добивал соодветен надомест.
Во големата меѓународна акција беа затворени вкупно 36 интернет страници кои се користеа за препродажба на компромитирани податоци од картички. Страниците беа идентификувани од страна на британската SOCA (Агенција за сериозен организиран криминал), FBI и US Department of Justice како специјализирани за продажба на податоци украдени од платежни картички, податоци од „online“ банкарски сметки и од платформи за трговија по електронски пат.
Овие страници на осомничените им овозможиле брзо и лесно да продадат огромни количества на украдени податоци. Во моментов посетителите кои би се обиделе да ги отворат овие страници се пренасочени кон екран на кој пишува дека истите се затворени од страна на органите на прогонот.
Во сеопфатната операција учествуваа и полициите на Германија, Украина, Австралија и Романија, а во изминативе две години британската SOCA успеа да поврати над 2,5 милиони податоци од компромитирани лични финансиски информации. Повратените информации веќе се испратени до британските и останатите финансиски институции за да се превенира потенцијалната измама и да се спречи штетата од кражбата на податоците. Потенцијалната меѓународна штета од оваа измама која е спречена се проценува на 500 милиони фунти.
Во рамки на акцијата, британската SOCA приведе двајца британски државјани на возраст од 23 и 27 години од Бирмингем и Лондон.
Македонскиот државјанин со нив, според досегашните сознанија не се познавал лично, туку соработувале преку интернет./крај/мвр/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.