Советот за безбедност при Обединетите нации го осуди ракетните напади од палестинската енклава Појасот Газа врз територијата на Израел со кои беше прекинато петчасовното хуманитарно примирје, но е и „вознемирен од силниот израелски одговор“, изјави заменикот генерален секретар на ОН за политички прашања Џефри Фелтмен на седницата на Советот ноќта кон саботата.

„Израел е оправдано загрижен за својата безбедност и ги осудуваме неселективните ракетни напади од Газа врз Израел кои го прекинаа привремениот прекин на огнот. Но, вознемирени сме од силината на израелскиот одговор“, изјави Џефри Фелтман на итната седница на Советот за безбедност на ОН на која покрај ситуацијата во Газа беше разгледуван и случајот со урнатиот малезиски патнички авион во источна Украина.Израел кој претходните десет дена се ограничуваше на воздушни напади и дејство од море, во петокот копнената инвазија во Појасот Газа ја засили и со дејство на артилерија, тенкови и воени бродови и предупреди дека би можел „значително да ја прошири“ операцијата во којашто според палестински болнички извори страдаат повеќе цивилите.Израелската армија ја интензивираше копнената офанзива врз Газа, густо населената енклава во којашто живеат 1,8 милиони Палестинци. Копнениот напад следеше по десетте дена воздушни и напади и истрелување на над илјада ракети врз израелската територија за што Израел го обвинува палестинското исламистичко движење Хамас кој од 2007 година по кусата војна со ривалското движење Фатах управува со Појасот Газа.Според последните податоци, во овие судири што израелската армија ја нарече операција „Линија на одбраната“ досега загинале 292 Палестинци, меѓу кои десетина деца, и двајца Израелци.Американскиот претседател Барак Обама во петокот имаше телефонски разговор со израелскиот премиер Бенјамин Нетанјаху, давајќи ја поддршката на Вашингтон за Израел за одбрана, но и истакнувајќи го стравувањето „од натамошна ескалација“ и загубата на животите на недолжните цивили. „Се надеваме дека Израел ќе му пристапи на овој процес на начин кој ќе ги минимизира цивилните жртви“, рече Обама пред новинарите во Белата куќа.Во настојувањето да се сопре израелско-палестинскиот конфликт, на Блискиот исток во саботата ќе допатува и генералниот секретар на Обединетите нации, Бан Ки-мун. Египет, најголемата арапска земја и кој традиционално се јавува како посредник во судирите меѓу Израел и Палестинците, во меѓувреме го повтори апелот за прекинување на непријателствата, а Франција од Катар побара да го искористи своето влијание врз исламистичкото движење Хамас, кое Израел, САД и Европската унија го сметаат за терористичка организација.Египетскиот министер за надворешни работи, Самех Шукри, на заедничката прес-конференција со францускиот колега Лорен Фабиус, ги повика сите страни да седнат на преговарачката маса за да се стави крај на крвопролевањата. „Се надеваме дека сите страни е ја прифатат оваа иницијатива за да се сопре крвопролевањето и да се спречи натамошна ескалација“, рече Шукри.Фабиус, пак, истакна дека Франција побарала од Катар, кој е близок со раководството на Хамас и се смета дека го финансира, да помогне во постигнувањето на примирјето./крај/мф/сн

Извор: Reuters