Скопје
Големо викенд уживање за сите деца и родители на 7-от Саем за деца
Забава, дружење, спортски активности, учење на креативни занаети, создавање на уметност, низ игра до насмевка, шоу со рептили, музичко шоу со „Златно славејче“ и многу маскоти, се само некои од активностите кои ќе бидат вистинско изненадување за сите деца и родители овој викенд во Скопје.
Традиционалниот Саем за деца кој од петок, до недела ќе се одржи во „Скопје Сити Мол“ ќе ги обедини детската среќа, креативноста, забавата за целото семејство, дружењето, играта, интерактивните игри за децата да се доближат до докторите, интересните турнири во кошарка, хокеј, Lego, PS4, X-Box, боење на лица, дружење со кловнови, пантомимичари и аниматори на штули, jungle gym, арт работилниците, како и подароците. Програмата ќе се одвива низ текот на целиот ден, започнувајќи од 12 часот и ќе траат се до 20 часот.Заразните детски насмевки, веселите семејства и пријатниот детски џагор и големите попусти се сигурната гаранција која ќе ја понуди 7-от по ред Саем за деца, кој од издание во издание е сè помасовен, позабавен, поразигран и уникатен во нашиот главен град.
Сите семејства освен големата забава, наградните игри и изненадувањата кои ќе бидат откриени за време на настанот, ќе имаат шанса да уживаат во големите попусти за време на 7-от Саем за деца и родители и до 50 отсто во продавниците за детска облека, производи и играчки./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Хуманитарни пакети за социјално загрозените лица во општина Ѓорче Петров
Денес, на денот на Свети Василиј Велики – симболот на дарежливоста и хуманоста, Општина Ѓорче Петров, заедно со градоначалникот Александар Стојкоски, спроведе акција за доделување хуманитарни пакети на социјално загрозените лица и семејства, извести општината.
Акцијата беше реализирана во соработка со општествено одговорна компанија, со цел да се пружи поддршка на оние на кои им е најпотребна во овие празнични денови. Пакетите вклучуваа основни прехранбени и хигиенски производи, додека за најмалите беа подготвени посебни изненадувачки пакетчиња, кои донесоа радост, насмевки и топлина во домовите на нашите сограѓани, велат од општина Ѓорче Петров.
„Свети Василиј Велики целиот свој живот го посветил на помагање на најслабите, а неговото дело нè инспирира и денес. Со оваа акција сакаме да потсетиме дека секое семејство заслужува достоинствени празници и полна трпеза,“ изјави градоначалникот Александар Стојкоски.
„Оваа иницијатива е уште еден доказ за посветеноста на Општина Ѓорче Петров да создава заедница заснована на хуманост, солидарност и грижа за најзагрозените категории граѓани“, додаваат од општината
Скопје
„Комунална хигиена“ – Скопје продолжува со активностите за расчистување на снегот во сите скопски општини
И во текот на вчерашното деноноќие, екипите на ЈП Комунална хигиена-Скопје во три смени реализираа активности за рачно и машинско чистење на снегот и мразот на булеварите и поголемите улици во сите скопски општини, како и во пешачките зони во централното градско подрачје, велат од Комунална хигиена-Скопје.
Воедно, во скопската општина Чаир беа спроведени и вонредни активности за отстранување неколку диви депонии лоцирани на улиците Џон Кенеди – до ООУ „Васил Главинов“, Славеј Планина – во непосредна близина на скопското Теќе и булеварот Крсте Мисирков – зад т.ц. Мавровка.
Во рамките на овие активности беа подигнати и транспортирани вкупно 50 кубни метри непрописно одложен отпад, соопшти Комунална хигиена-Скопје.
Скопје
ЈП „Комунална хигиена“ – Скопје реализира активности за расчистување на снегот во сите скопски општини
Вчера, ЈП Комунална хигиена-Скопје со максимална ангажираност на сите расположливи работници во три смени спроведуваше активности за рачно и машинско чистење на снегот и мразот на булеварите и поголемите улици во сите скопски општини, со цел да се овозможи безбедно движење на пешаците и одвивање на сообраќајот.
„Активности за расчистување на снегот и мразот беа реализирани и во централното градско подрачје, плоштадот и улицата Македонија, помалите плоштади Филип Втори, Мајка Тереза и Богородица, како и Старата чаршија. Екипите на Претпријатието го расчистуваа и реонот околу Градската болница, Државната болница, Владата и Собранието на РМ, пешачките патеки и тротоарите на мостовите „Гоце Делчев“, и „Слобода“, како и сите пешачки мостови. ЈП Комунална хигиена-Скопје ќе продолжи со активностите за расчистување на снегот и мразот и во текот на денешниот ден и претстојната ноќ“, соопштија од ЈП Комунална хигиена-Скопје.