Регион
Одложена посетата на албанскиот премиер Рама на Белград
Посетата на албанскиот премиер Еди Рама на српската престолнина закажана за 22-ри октомври, е одложена за 10-ти ноември, соопштија во неделата во Белград и во Тирана, како реакција на инцидентот со знамето со картата на ткн Голема Албанија истакнато на мечот меѓу фудбалските селекции на Србија и Албанија претходно седмицава што доведе до заострување на односите меѓу двете земји.
Српскиот премиер Александар Вучиќ и неговиот албански колега Еди Рама не успеале во неделата во телефонскиот разговор да се усогласат околу инцидентот поради кој беше во вторникот прекинат мечот на стадионот на белградски Партизан, и со кој во поврзаност беше доведен братот на албанскиот премиер Олси Рама, инаку државјанин на САД, но оценија дека инцидентите на квалификацискиот меч за Евро 2016 „по својата суштина биле многу несреќни“.„И натаму постојат јасни несогласување за тоа како дошло до инцидентот, но не смееме и нема да дозволиме да ја пропуштиме можноста да се сретнеме и да работиме на одржување на регионалната стабилност“, нагласиле Вучиќ и Рама, како што пренесуваат во Белград и во Тирана.„Време е да свртиме нова страница во политичките и економските односи меѓу Србија и Албанија“, заклучиле во заедничкото соопштение двајцата премиери.Вучиќ и Рама нагласуваат дека е „неопходно да продолжи дијалогот и процесот започнат на 28-ми август во Берлин“, на конференцијата за западен Балкан, оценувајќи и дека дијалогот „ќе овозможи подобрување на односите меѓу двете држави, во регионот, но и во цела Европа“. Заеднички заклучиле да се сретнат на 10-ти ноември во Белград, што ќе биде прва посета на албански премиер на српската престолнина по 68 години.На телефонскиот разговор од неделата меѓу двајцата премиери им претходеше преписка преку социјалната мрежа Twitter, како и изјави во странските и во домашните медиуми. Најавувајќи ја подготвеноста, и покрај инцидентот, да го посети Белград во првично договорениот термин, Рама за американската телевизиска мрежа CNN изјави дека на властите во Белград им ја препушта одлуката дали ќе го поканат, а српскиот премиер најави во петокот дека до понеделник ќе ја донесе одлуката за посетата на албанскиот колега најавувана како историска.Рама на Twitter напиша дека „Србија ќе биде нормална држава само доколку вистинска Србија сфати дека Голема Албанија е нејзин кошмар, а не наш проект“. Вучиќ, пак, во својот одговор ја прошири темата и на меѓународно ниво – „Луѓето кои велат дека Голема Албанија е нашиот кошмар мора да се целосно во право Но, тоа не е само наш кошмар, туку кошмар на Европа, кошмар на целото човештво, а ние ќе сториме сѐ што можеме да го спречиме“, и додаде оти се надева „дека нормалните Албанци ќе ја разберат оваа порака“.Односите меѓу Белград и Тирана сериозно се заострија по инцидентот од квалификацискиот меч за Европското фудбалско првенство во со знамето на ткн Голема Албанија на којашто беа опфатени териториите на Албанија, Косово, западна, Македонија, јужна Србија, како и делови од Црна Гора и од Грција. Двете влади по овој повод разменија доста остри демарши.Српската полиција и тамошното министерство за внатрешни работи го задржаа во ВИП ложата на стадионот Олси Рама доведувајќи го во поврзаност со организирањето и раководењето со инцидентот. Но братот на албанскиот премиер беше пуштен, бидејќи наводно се легитимирал со пасош на САД и се повикал на американското државјанство, а подоцна беа пуштени и другите членови на официјалната албанска делегација кои со полициска придружба беа испратени на белградскиот аеродром од каде што одлетаа за Тирана./крај/мф/сн.
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.