Македонија
(Видео) Заев: Ќе се укине пржинската влада, нема повеќе ниту министри без ресор
Укинување на т.н. пржинска влада и промена на изборниот модел веќе за следните локални избори, кои трeба да се одржат в година, најави лидерот на СДСМ, Зоран Заев, како мерки што ќе ги преземат заедно со ДУИ како дел од владината коалиција.
Тој посочи дека ќе се намалува администрацијата за 20 проценти со цел граѓаните да добијат поквалитетни и побрзи услуги, но најави и борба со коронавирусот, корупцијата, како и намалување на привилегиите што ги добиваат функционерите.
„Пржинската влада ќе се укине и Мицкоски даде согласност за тоа. Се укинува со простото мнозинство. Логично е кога ќе се укине, да го почнеме овој формат. Бидејќи ДУИ ја покажа својата големина, затоа и СДСМ реши да покаже доблест. Во такви околности решивме идниот премиер да биде во тие 100 дена од албанска националност, ќе може да ја извршува таа функиција. Во едни такви околности секој има право на шанса, без разлика дали е Албанец, Србин, Бошњак“, рече Заев.
Во однос на кадрите во институциите, Заев рече дека ќе бидат предложени квалитетни, отчетни и одговорни луѓе. Тој посочи и дека нема во владата да се предлагаат министри без ресор, со исклучок на вицепремиерските места.
„Во првите шест месеци ќе се распоредат и ќе тргнат на работа сите вработени по Рамковниот договор, кои останаа нераспоредени во државните институции. Согласни сме за неселективна и длабинска борба со криминалот и корупцијата, на сите нивоа, без разлика дали некој доаѓа од партија, од општина, институција, дали е експерт, функционер, познат или непознат. Согласни сме да се спроведе прочистување на правосудството и проверка на капиталот кај секој функционер по пат на систем кој заеднички ќе биде договорен и ќе ги земе предвид најдобрите европски практики. Постои согласност да се зголеми отчетноста на сите нивоа на власта и да им се намалат привилегиите на функционерите. Постои согласност заштитата на животната средина да биде еден од врвните приоритети. Борбата со коронавирусот да биде врвен приоритет преку темелен и транспарентен пристап“, рече Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 23.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.