Пешак, велосипедист и тракторист се тешко повредени во три одделни сообраќајки што се случиле во Куманово, тетовско и струмичко.

Пешакот во Куманово бил прегазен во четвртокот околу 7.52 часот на крстосницата од улиците „Тоде Мендол“, „Есперанто“ и „Романовски пат“. Во несреќата се судриле автомобил „ауди А4“ и „мазда“ и двете со кумановски регистерски таблици. При судирот „аудито“ излетало од коловозот и удрило во шеесет и шестгодишен пешак, кој стоел надвор од коловозот, Повредениот пешак бил пренесен во кумановскаа болница, но поради тешките повреди е префрлен во Ургентен центар Скопје.Сообраќајката во тетовско се случила на локалниот пат во селото Теарце во четвртокот вечерта во 21.45 часот. Во сударот учествуале велосипед управуван од триесет и едногодишен жител на Теарце, друг велосипед управуван од дваесетгодишен соселанец и дваесет и деветгподишен пешак од истот село. Со тешки повреди се здобил едниот велосиедист кој како итен случај е пренесен во Ургентниот центар во Скопје, а полесно повреден е пeшакот. Трактористот е тешко поведен во средата во струмичкото село Костурино.  Педесетгодишниот струмичанец управувајќи трактор натварен со огревни дрва околу еден кубен метар, се превртел при што се здобил со повреди во пределот на левото рамо и градниот кош. Со тешки повреди е пренесен во Клинички центар Скопје./крај/мф