Црна хроника
Притвор за возачот на влекачот во кој се удри мотоциклистот кој загина кај Требениште
Обвинителството предложи, а судија на претходна постапка му одреди осумдневен притвор на возачот на влекачот во којшто удри мотоциклистот кој загина на магистралниот пат Охрид – Кичево, кај селото Требениште во вторникот попладне.
Влекачот, дел од механизацијата на градежната фирма која вршела изведба на работи на магистралниот пат, го управувал сега осомничениот граѓанин на Република Албанија. Четириесет и четиригодишниот охриѓанец, кој управувал со моторот, по ударот, со тешки телесни повреди бил бил пренесен во специјалната болница „Свети Еразмо“ во Охрид, каде лекарите само констатирале смрт.По извршениот увид на лице место, надлежниот јавен обвинител издал наредба за обдукција на починатиот, наредба за проверка на крв и урина, наредба за сообраќајно-техничко вештачење, како и други дејствија во насока на утврдување на фактите за сообраќајката.Обвинителството поведе постапка против возачот на влекачот поради постоење на сомнение за сторено кривично дело Тешки дела против безбедноста на луѓето и имотот во сообраќајот, по член 300 став 4 од Кривичниот законик./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.
Црна хроника
Обид за убиство во гостиварско
СВР Тетово поднесе кривична пријава против К.З.(63) од с.Церово, гостиварско, поради постоење основи на сомнение за сторени кривични дела „убиство во обид“, „предизвикување на општа опасност“ и „неовластено изработување, држење, посредување и тргување со оружје или распрскувачки материи“ и против Х.А.(38) од с.Церово, поради постоење основи на сомнение за сторено кривично дело „насилство“.
На 04.05.2024, по претходна расправија помеѓу пријавените, првопријавениот испукал три куршуми од автоматска пушка, по што бил физички нападнат од второпријавениот.