Македонија
Еколошки организации бараат Ана Петровска да остане државен секретар во Министерството за животна средина
Еколошките организации бараат Ана Петровска да остане државен секретар во Министерството за животна средина. Според нив Петровска е пример за државен функционер со интегритет и професионализам. Тие бараат од премиерот Зоран Заев да ја задржи Петровска на функцијата државен секретар во Министерството, зошто, како што велат нејзината замена ја гледаат како чекор назад.
„ Петровска е неуморен професионалец со големо искуство и знаење од областа на заштита на животната средина. Како еколошки граѓански организации кои долги години работат во секторот животна средина уверуваме дека Ана Петровска е докажан експерт во својата област која покажа дека можни се промени и подобрувања. Информациите за потенцијалната нејзина промена од позицијата, како активисти не’ вознемири и не’ запраша зошто успешниот кадар би се менувал, наместо да биде награден.
Честопати изложувана на ризик и непријатност, демонстрираше интегритет и достоинство во критични ситуации. Нејзината замена ја гледаме како чекор назад за многу здрави процеси, кои почнаа да се одвиваат во Министерството по нејзина заслуга.
Апелираме Ана Петровска да остане на позицијата државен секретар во Министерството за животна средина и просторно планирање.
Искрено се надеваме дека ќе го прифатите нашиот апел и ќе ги препознаете вистинските професионалци во државните институции и ќе ги поставите на вистинските места, како што беше државниот секретар на МЖСПП во изминатиот мандат“ велат од еколошките организации:
•ДЕМ- Движење на екологистите на Македонија
•Здружение „Гоу Грин“- Скопје
•Асоцијација Ајде Македонија- Скопје
•Еколошко здружение „Здрава Котлина“ – Струмица
•Еколошко здружение „Еко Долина“ – Ново Село
•Граѓанска иницијатива „Скопје бара чист воздух
•Здружение Извиднички Поречански Одред Крсте Јон- Струга
•ЕД Еко-Рурал Пелистер с.Дихово Битола
•ЕД Сапунчица с.Дихово Битола
•ЗЗУЖС Еко-живот, Кавадарци
•Центар за ресурси во животната средина (РЕЦ)- Северна Македонија
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Влада: Исплаќаме 1 милијарда денари за заостанати субвенции од претходната влада
„Една од заложбите на Владата е посветено да се работи и да им се помага на земјоделците. Затоа издвоени се 1 милијарда денари за исплата за заостанати субвенции за земјоделците. Над 9.000 земјоделци ќе ги добијат своите заслужени средства како поддршка за своето производство. Кај дел од нив се доцни дури 4 години со исплатата“, велат од Владата.
„Првата одлука на оваа Влада беше со ребалансот да се обезбедат средства и до крајот на годината нема да има субвенции со кои се доцни кај земјоделците.
Домаќинското и посветено работење на Владата ќе придонесе значајна поддршка за земјоделското производство.
На овој начин се исправаат и неправдите кон земјоделците кои со својот труд печалат за себе и своите семејства“, се наведува во соопштението на Владата.
Македонија
Променливо облачно со сончеви периоди, попладне повремен слаб дожд
Времето денеска ќе биде променливо облачно со сончеви периоди. Попладне ќе има локални врнежи од дожд и ретки грмежи. Ќе дува слаб до умерен ветер од јужен и југоисточен правец. Минималната температура ќе биде во интервал од 6 до 11, а максималната ќе достигне од 19 до 25 степени.
Во Скопје променливо облачно со сончеви периоди, попладне со повремен слаб дожд. Минималната температура ќе се спушти до 9, а максималната ќе достигне до 23 степени.
Ќе се задржи променливо облачно време со повремени локални врнежи од дожд, проследени со ретки грмежи. Од среда врнежите наместа ќе бидат пообилни, повремено поројни.
Скопје
Без струја дел од село Кондово
Поради планирани зафати во електро дистрибутивната мрежа, денеска, без напојување со електрична енергија ќе останат корисниците на дел од село Кондово во општина Сарај.
Прекинот ќе биде во период од 08:00 – 12:30 часот.