Спорт
Адеми со два гола ги однесе Динамо во ЛЕ, Звезда сигурна со Ерменците
Црвена зведа на Кипар стигна до 2:1 победа над Арарат-Арменија за да обезбеди пласман во натпреварите по групи во Лига Европа, каде што ќе бидат и Динамо Загреб, кои потешко од очекувањата со 3:1 дома го победија естонскиот клуб, Флора.
Александар Катаи и Диего Фалчинели донесоа 0:2 водство за Звезда, пред Маилсон Лима во 75. минута да намали за 1:2 за клубот од Ерменија. Во Загреб пак, капитенот, македонскиот репрезентативец Аријан Адеми постигна два гола за 3:1 победа над Флора и нов настап во групи во европските натпреварувања за хрватскиот шампион.
Во групната фаза се и фаворитите Гранада и ПСВ Ајндховен – Гранада на гости кај Малме славеше со 3:1, додека холандскиот клуб со 2:0 го победи Розенборг.
ЛИГА ЕВРОПА, БАРАЖ
ЦФР Клуж (Ром) – КуПС Куопио (Фин) 3:1
Арарат-Арменија (Ерм) – Црвена звезда (Срб) 1:2
Шарлроа (Бел) – Лех Познањ (Пол) 1:2
Динамо Загреб (Хрв) – Флора Талин (Ест) 3:1
Слован Либерец (Чеш) – АПОЕЛ (Кип) 1:0
Малме (Шве) – Гранада (Шпа) 1:3
Розенборг (Нор) – ПСВ Ајндховен (Хол) 0:2
Mario Gavranović (30) ?? scores to take Dinamo Zagreb in to the lead against Flora Tallinn ⚽️
Beautiful cross came from Lovro Majer (22) ?? pic.twitter.com/ZDGZeM6eJJ
— Croatian Scout (@CRO_Scout) October 1, 2020
Captain Arijan Ademi ?? scores to make it 2-0 for Dinamo.
Very precise ball from Bruno Petković to Gavranović who controls it perfectly and lays it off to Ademi ⚽️⚽️ pic.twitter.com/dRvnCup7Py
— Croatian Scout (@CRO_Scout) October 1, 2020
Arijan Ademi ?? scores his second goal of the day, 3-1 for Dinamo against Flora. That no look pass from Petković is brilliant.
Fair to say Dinamo are going through. #UEL pic.twitter.com/smzhvKNm1J
— Croatian Scout (@CRO_Scout) October 1, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.