Европа
Постигнат договор во ЕУ за испорака на оружје на ирачките Курди
На итниот состанок на шефовите на дипломатиите на земјите членки на Европската унија во петокот постигнаа заеднички став за испорака на оружје на борците на ирачките Курди и изразија задоволство од директната воена помош од некои земји членки.
На итниот состанок на шефовите на дипломатиите на земјите членки на Европската унија во петокот постигнаа заеднички став за испорака на оружје на борците на ирачките Курди и изразија задоволство од директната воена помош од некои земји членки.
„Постигнавме заеднички став. ЕУ го поздравува позитивниот одговор на некои земји на безбедносните барања на курдските сили“, изјави германскиот министер за надворешни работи Франк-Валтер Штајнмаер.
Одлуката за испорака на оружје го носи секоја држава членка засебно, но треба да биде постигнат заеднички став на Советот на 28-те за „поддршка на настојувањето и да се покаже поддршка на Курдите и на владата во Багдад“, рекол за AFP неименуван висок европски функционер.
Друг европски дипломат рекол дека станува збор за „силен став, политички знак што го посакуваа Франција, Италија и Велика Британија“.
Претходно во четвртокот францускиот претседател Франсоа Оланд ја потврди скората испорака на воена опрема, по барање на претседателот на регионалната влада на ирачки Курдистан, Масуд Барзани. Шефот на француската дипломатија во петокот потсети дека Франција беше првата земја којашто им испорача оружје на курдските борци кои се обидуваат да се спротистават на напредувањето на џихадистите од Исламската држава.
Велика Британија, исто така, соопшти дека ја разгледува можноста да ги вооружи курдските сили во Ирак, доколку побараат. Инаку во северниот планински масив Синџир, покрај американските воени експерти и „зелени баретки“ присутен е и извесен број на припадници на специјалните единици на британската армија SAS./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.