Спорт
Премногу се опуштивме – 3:3 реми на гости кај слабата Естонија
Македонската фудбалска репрезенација не успеа да го заддржи моментот и по победата во првиот меч од баражот за пласман на Евро 2021, да ја продолжи низата и во Лигата на нации на УЕФА, одигрувајќи 3:3 на гости кај слабата Естонија.
Работите почнаа одлично за нас, откако во третата минута дефанзивецот на домаќините, Мартин Куск постигна еден од најсмешните автоголови во историјата, поради недоразбирање со својот голман. Сепак, Естонија успеа да се врати со голот на Рауно Сапинен во 33. минута по лошата реакција на нашата одбрана.
Во 61. минута, Естонците прават пресврт, откако по слободен удар, повторно Сапинен се најде на вистинско место по одбраната на Шишковски за 2:1. Со влегувањето на Горан Пандев и Илија Несторовски малку се разбуди нападот, што резултираше во досуден пенал во 67. минута, но Александар Трајковски ја погоди само пречката.
Во 74. минута, пенал за домаќините по игра со рака во нашиот шестнаесетник, и Франк Ливак носи 3:1 водство. Сепак, на крајот, Македонија успеа да извади поен, откако прво во 80. минута, Горан Пандев покажа дека класата е вечна, матирајќи ја одбраната на домаќините. Во 88. минута Зајков по една лоша интервенција на цела одбрана на Естонија, израмни на 3:3.
За среќа во Ереван, Ерменија предводена од Хенрих Мхитарјан во финишот на мечот дојде до 2:2 реми, така што остануваме израмнети со Грузијците на првото место во групата 2. Грузија, да потсетиме, е нашиот противник во баражот за пласман на ЕП во 2021 на 12 ноември.
Фото: ФФМ
ЛИГА НА НАЦИИ, ЛИГА Ц, ГРУПА 2, 3.КОЛО
Естонија – МАКЕДОНИЈА 3:3
Ерменија – Грузија 2:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Рикелме го доближи Атлетико до ЛШ
Минијатурата на Родриго Рикелме во 5. минута на Балеарските Острови не само што му донесе победа на Атлетико Мадрид над Мајорка оваа сабота навечер, туку веројатно и му обезбеди пласман во Лигата на шампионите наредната сезона.
Без овие три бода, Атлетик Билбао би имал солидни шанси да го помине Атлетико во преостанатите четири кола од Ла Лига, но вака исходот од трката за четвртото место на табелата е речиси решен.
По третолигашкиот гол на 24-годишниот Шпанец и четвртиот вкупен гол сезонава, разликата меѓу двата црвено-бели клуба е шест бода.
Мајорка е во долниот дел на табелата, но има шест бода повеќе од Кадиз кој се наоѓа во опасната зона и извесно е дека финалистот во Купот на Шпанија ќе избори опстанок.
Rodrigo Riquelme’s goal! 🔥🔥🔥🔥 pic.twitter.com/5YARGEy6hx
— Atletico Universe (@atletiuniverse) May 4, 2024
Спорт
Ферстапен на пол-позицијата во Мајами, сезонава има шест од шест
Возачот на Ред Бул, Макс Ферстапен, ја освои својата шеста пол-позиција на исто толку трки оваа сезона. Холанѓанецот беше најбрз во квалификациите за трката на Големата награда на Мајами. За Ферстапен ова е седма пол-позиција по ред и сега е на само еден до израмнување на рекордот на Аиртон Сена.
Ферстапен, кој неколку часа претходно триумфираше во спринтот на Флорида, ја забележа 38. пол-позиција во кариерата со круг од 1:27.241 минути. Тој за 141 илјадитинки беше побрз од Шарл Леклер во Ферари.
Двајцата ги следеше вториот возач на италијанскиот тим, Карлос Саинц Јуниор, кој заостануваше помалку од една десетинка зад својот тимски колега. Шпанецот за само пет илјадити делови од секундата беше побрз од Серхио Перез во Ред Бул.
Најдобар меѓу останатите беше Ландо Норис во Мекларен, пред тимскиот колега Оскар Пјастри и двоецот на Мерцедес Џорџ Расел и Луис Хамилтон. Топ 10 беше комплетиран од Нико Хилкенберг во автомобилот на Хас и возачот на тимот РБ Јуки Цунода.
Траката за Големата награда на Мајами утре ќе започне во 22 часот по средно-европско време.
Спорт
(Видео) Сасуоло повторно го победи Интер
Фудбалерите на Сасуоло славеа минимална победа над италијанскиот шампион Интер. Сасуоло сезонава забележа седум победи, две од нив се против Интер. Интересно ова се единствените порази на Интер сезонава во Серија А.Сасуоло остана на 19.место со 29 бода. Пред овој тим се Удинезе (29), Емопли (31), фросиноне (31), Верона (31), Каљари (32), но сите имаат натпревар помалку.
Стрелец на единствениот, гол беше Арманд Лориен во 20. минута откако Џош Доиг му ја одзеде топката на незаинтересираниот Дензел Дамфрис практично на гол-линијата и потоа му асистираше на Французинот во срцето на шеснаесетникот.
До крајот на сезоната Сасуоло ќе гостува кај Џенова, ќе го пречека Каљари и потоа ќе гостува во Рим кај Лацио.