Во духот на солидарноста и хуманоста, Клиника Жан Митрев заедно со Blood Bank TENK, Институтот за трансфузиона медицина и волонтерите на Црвениот крст, успешно ја реализираше традиционалната крводарителска акција, која се одржува согласно потпишаниот Меморандум за соработка.

Оваа година, акцијата се одвиваше под слоганот: „Дарувај крв, дај надеж“, а воедно го одбележа и Меѓународниот ден на крводарувањето – 14 Јуни. Во акцијата активно учествуваа вработените на Клиниката, како медицинскиот, така и немедицинскиот персонал, кои уште еднаш докажаа дека дарувањето крв е најчистиот израз на човечност, емпатија и грижа за другите.

„Со заедничка цел, да помогнеме таму каде што е најпотребно, повторно покажавме дека хуманоста не познава граници. Ова не е само акција, туку дел од нашата мисија и вредности кои ги негуваме секојдневно,“ – истакнуваат од Клиника Жан Митрев.

Со секоја дарувана доза крв се спасуваат животи. Токму затоа, оваа акција претставува важен придонес во поддршка на здравствениот систем и пациентите кои се во критична потреба.

Клиника Жан Митрев останува посветена на овој тип на општествено одговорни активности, продолжувајќи да биде двигател на хуманоста и солидарноста.

ПР

Од 15:05 часот сообраќајот на регионалниот пат Р-1202, Маврово – Дебар, кај местото викано „Ростушко анче“ е нормализиран, извести АМСМ.

Претходно поради незгода, сообраќајот на патот беше во целосен прекин.

Основното јавно обвинителство Скопје поведе постапка против едно лице поради основано сомнение дека извршило кривично дело – Тешка кражба од член 236 став 1 точка 1 од Кривичниот законик.

Осомничениот 23-годишник, на 02.01.2024 година, провалил во куќа на улицата „Востаничка“ во Скопје, така што со помош на пластична маса се качил на балконот од првиот кат на куќата и насилно го отворил прозорецот. Потоа пребарувал низ собите и одзел накит, шест рачни часовници, два лаптоп компјутери, други вредни предмети и парични средства во износ од 1000 евра. Вкупната вредност на одземените предмети е проценета на 296.000 денари.

Потоа преку споредна врата ја напуштил куќата и повеќе од една година не бил достапен за полицијата. Имајќи предвид дека токму оваа околност укажува на ризикот осомничениот повторно да се даде во бегство за да го избегне кривичниот прогон, како и фактот дека против него се поднесени пријави и за други дела, јавниот обвинител до судијата на претходна постапка достави предлог за определување мерка притвор.