Две Бугарки ограбиле скопјанка во бутик во центарот на Скопје, соопшти полицијата.

Кражбата се случила на 18 март, кога Бугарките С.П.Е.(47) и Х.Р.Г. (39) отишле во бутикот за гардероба “Пренди”,каде ја забележале М.И. (21) која била заедно со нејзината мајка В.П. (51) како разгледувале по изложените предмети и притоа истите и пришле на оштетената М.И. и искористувајќи го нејзиното невнимание со протнување на рака во ташната која ја носела со себе и го извадиле паричникот во кој имала лична карта, “Виза” и трансакциона картица од Комерцијална Банка, 5.000 денари и други лични предмети.

Така се стекнале со противправна имотна корист од 6.000 денари, по што веднаш го напуштиле бутикот.

Подоцна полицијата ги привела, а тие се бранеле со молчење. Оштетената со нејзината мајка во својство на сведоци извршиле препознавање над двете приведени при што истите со сигурност ја препознале С.П.Е. како извршител на кражбата.

Од страна на сопственикот на бутикот доставено е ЦД со видео запис од видео надзорот во бутикот од кој се изготвени фотографии на кои се гледа како пријавените ја вршат кражбата над оштетената. /крај/со/мф